ચિંતા / કોરોનાના નવા સ્ટ્રેનને લઈને 6 દેશોમાં મચ્યો હાહાકાર, પણ WHOએ રાહતના સમાચાર આપતાં કહ્યું...

• નવા સ્ટ્રેનને લઈને અન્ય 6 દેશોમાં હાહાકાર
• કોરોનાની સરખામણીએ 70 ટકા વધારે ખતરનાક
• WHOએ કહ્યું કે નવો સ્ટ્રેન હજુ આઉટ ઓફ કંટ્રોલ થયો નથી
   

WHOના આાપાતકાળ વિભાગના ચીફ માઈકલ રેયાને એક પ્રેસ કોન્ફરન્સમાં કહ્યું કે કોરોના મહામારીના સમયે અમે અનેક જગ્યાઓએ તેનાથી પણ વધારે સંક્રમણ દર જોયો છે અને તેની પર કાબૂ પણ મેળવ્યો છે. તેઓએ કહ્યું કે આ રીતે જોઈએ તો સ્થિતિ નિયંત્રણથી બહાર નથી. પણ તેને કોઈ પણ પગલાં લીધા વિના છોડી શકાતી નથી. 

 
કોરોનાથી 70 ટકા વધારે ખતરનાક છે સ્ટ્રેન

રેયાને કહ્યું કે હાલના સમયમાં અમારી પાસે કોરોનાથી બચવાના જે ઉપાયો છે તે યોગ્ય છે. અહીં ધ્યાન આપવાની વાત એ છે કે તેનાથી પહેલાં બ્રિટનના સ્વાસ્થ્ય સચિવ મૈટ હેંકોકે દાવો કર્યો હતો કે કોરોના વાયરસનું આ નવું રૂપ નિયંત્રણથી બહાર છે. કોરોના વાયરસનું નવું સ્વરૂપ 70 ટકા વધારે સંક્રામક છે. 

સ્ટ્રેન પર નિયંત્રણ મેળવવા હાલના ઉપાયોનું કડક પાલન જરૂરી

તેઓએ કહ્યું કે આપણે એ કરવાની જરૂર છે જે આપણે કરી રહ્યા છીએ. આપણે થોડી વધારે તીવ્રતાની સાથે કરવાનું છે અને નક્કી કરવાનું છે કે આપણે આ વાયરસને નિયંત્રણમાં લઈ શકીએ. એક રીતે જોઈએ તો તેની પર નિયંત્રણ લાવવા સખત મહેનતની જરૂર છે. 

 દુનિયાના 40 જેટલા દેશોએ બ્રિટનથી આવતી ફ્લાઈટ્સ પર મૂક્યો પ્રતિબંધ

ભારત સહિત અનેક દેશોએ બ્રિટનની યાત્રા પર પ્રતિબંધ મૂક્યો છે. ઈંગ્લેન્ડના કેટલાક ભાગમાં કોરોનાનો નવો સ્ટ્રેન પગપેસારો કરી ચૂક્યો હોવાથી જર્મની, ઈટલી, બેલ્જિયમ, ડેનમાર્ક, બુલ્ગારિયા, આયરિશ પબ્લિક, તુર્કી અને કેનેડાના બ્રિટનથી આવન જાવન પર રોક લગાવવાનો નિર્ણય લેવાયો છે. અન્ય દેશોમાં હોંગકોંગ, ઈઝરાયલ, ઈરાન, ક્રોએશિયા, અર્જેન્ટિના, મોરક્કો, ચિલી અને કુવૈત સામેલ છે.