બજાજ ઓટોએ Bajaj Platina ને લોન્ચ કર્યું છે. 110cc એન્જીનનું આ બાઇક માર્કેટમાં 49 197 રૂપિયાની કિંમતમાં મળશે. બજાજે આ બાઇકમાં ઘણા એવા ફીચર્સ આપ્યા છે જે આ રેન્જની બાઇકમાં પહેલી વખત મળી રહ્યા છે. કંપનીએ એને ટ્યૂબલેસ ટાયર ડ્યૂલ સ્પિંગ-ઓન-સ્પ્રિંગ અને નાઇટ્રોક્સ શોક અબ્ઝોર્બ્સ અને એન્ટી-સ્કિડ બ્રેક જેવા શાનદાર ફીચર્સની સાથે બજારમાં ઊતાર્યું છે. આ તમામ ફીચર્સ પહેલી વખત આ રેન્જની કોઇ બાઇકમાં મળી રહ્યા છે.
ફીચર્સ ઉપરાંત જો એન્જીન અને પાવરની વાત કરીએ તો નવી પ્લેટિનામાં 115cc સિંગલ-સિલિન્ડર એર-કૂલ્ડ એન્જીન આપવામાં આવ્યું છે. આ એન્જીન 7000 rpm પર 8.4 bhpનો પાવર અને 5000rpm પર 9.81 Nm ટાર્ક જનરેટ કરે છે. એમાં 4 સ્પીડ ટ્રાન્સમિશન આપવામાં આવ્યું છે. એની ફ્રંટમાં 135 mm ટેલેસ્કોપિક ફોકર્સ અને બેકમાં નાઇટ્રોક્સ શોક અબ્ઝોર્બ્સની સાથે 110mm સ્પ્રિંગ-ઓન-સ્પ્રિંગ સસ્પેન્શન આપવામાં આવ્યું છે. સ્પ્રિંગ-ઓન-સ્પ્રિંગ સસ્પેન્શનથી ખરાબ રસ્તા પર વધારે ઝટકા મહેસૂસ થવા દેતા નથી અને રાઇડિંગ આરામદાયક થાય છે.
કલર ઓપ્શનની વાત કરીએ તો એને ત્રણ કલર કોમ્બિનેશનમાં બજારમાં ઊતારવામાં આવ્યું છે. જેમાં ગ્રે ડેકલ્સની સાથે બ્લેક બ્લૂ ડેકલ્સની સાથે બ્લેક અને કોકટેલ વાઇન રેડ કલર સામેલ છે.
માઇલેજ બાબતે હજુ સુધી આ બાઇકને લઇને કોઇ પણ ખુલાસો થયો નથી. પરંતુ આશા છે કે એની માઇલેજ પેલટિના 100ની જેમ હશે. બ્રેકિંગ સિસ્ટમની વાત કરીએ તો આ બાઇકમાં ફ્રંટમાં 130 mm અને બેકમાં 110mm ડ્રેમ બ્રેક આપવામાં આવી છે.