મહામારી / કોરોનાની બીજી લહેરથી નેપાળ થયો સતર્ક, સરહદે લોકોની અવરજવર અટકાવવા કર્યું આ મોટું કામ

• નેપાળે ભારતીય સરહદ પર 22 એન્ટ્રી પોઈન્ટ બંધ કર્યાં 
• નેપાળમાં હાલમાં લોકડાઉન 
• કુલ 35 એન્ટ્રી પોઈન્ટ, હવે ફક્ત 22 કાર્યરત 

સત્તાવાર સૂત્રોના જણાવ્યાનુસાર, ભારત અને નેપાળ વચ્ચે કુલ 35 એન્ટ્રી પોઈન્ટ છે જેમાંથી 22 પોઈન્ટ સૌથી વધારે ઉપયોગમાં લેવાતા હોય છે તેથી નેપાળ સરકારે આ 22 પોઈન્ટ બંધ કરી દીધા છે.એટલે કે હવે ફક્ત 13 એન્ટ્રી પોઈન્ટ જ ચાલુ છે. 

કાઠમંડુ સ્થિત ટ્રોપિલક એન્ડ ઈન્ફેક્શિયસ ડિસિઝ હોસ્પિટલના પ્રમુખ શેર બહાદુર પુને જણાવ્યું કે નવી લહેર વધારે ચેપી અને ખતરનાક સાબિત થઈ છે અને પહેલી લહેરની તુલનામાં બીજી લહેરમાં ઘણા લોકો હોસ્પિટલમાં ભરતી છે. મંત્રાલયના જણાવ્યાનુસાર ગુરુવારે કોરોનાના 4928 નવા સંક્રમિત કેસો આવ્યાં છે. ધારે કેસ આ રાજ્યોમાં નોંધાયા છે.

4 લાખ 1 હજાર 911 નવા દર્દી સામે આવ્યા 

ભારતમાં કોરોનાના એક દિવસમાં સૌથી વધુ કેસ નોંધાયા છે.  શુક્રવારે પહેલીવાર દેશમાં એક દિવસમાં નોંધાનારા આંકડા 4 લાખને પાર થઈ ગયા છે. આજે 4 લાખ 1 હજાર 911 નવા દર્દી સામે આવ્યા છે. એક દિવસમાં 3521 લોકોના જીવ ગયા છ. સારી વાત એ છે કે એક દિવસમાં કોરોનાથી 2 લાખ 98 હજાર 951 દર્દી સ્વસ્થ થયા છે. દેશમાં કુલ કેસની સંખ્યા1 કરોડ 91 લાખ 57 હજાર 94  થઈ છે.  ત્યારે સાજા થનારાનો કુલ આંક 1.56 કરોડ થયો છે. અત્યાર સુધીમાં કુલ 2.11 લાખથી વધારે લોકોએ જીવ ગુમાવ્યો છે. જ્યારે હાલ એક્ટિવ કેસની સંખ્યા 32.64 લાખ છે.

0 દિવસમાં કેસ 4 લાખને પાર પહોંચ્યા છે. દેશભમાં સંક્રમણની સ્પીડીની વાત કરીએ તો ગત 10 દિવસમાં કોરોનાના દર્દીના આંકડા રોજના 3 લાખથી 4 લાખને પાર થયા છે. આ પહેલા 21 એપ્રિલથી રોજના 3 લાખથી વધારે મામલા સામે આવ્યા છે. 21 એપ્રિલે જ્યાં 3.15 લાખ દર્દી મળ્યા હતા. ત્યારે 22 ના રોજ 3.32 લાખ, 23ના રોજ 3.45 લાખ, 24ના રોજ 3.48 લાખ, 25 ના રોજ 3.54 લાખ, 26ના રોજ 3.19 લાખ. 27ના રોજ 3.62 લાખ, 28ના રોજ 3.79 લાખ,  29 ના રોજ 3.86 લાખ અને 30 એપ્રિલે 4.01 લાખ નવા દર્દી મળ્યા છે.

ટોપ સંક્રમિત દેશો કરતા પણ વધારે કેસ આ રાજ્યોમાં નોંધાયા

દેશમાં સૌથી વધારે કેસ મહારાષ્ટ્રમાં નોંધાયા છે અહીં 66169  કેસ નોંધાયા છે. એટલે કે ભારત અને બ્રાઝિલ બાદ ત્રીજા નંબર પર મહારાષ્ટ્રને મુકી શકાય તેટલા કેસ છે. આ બાદ કેરળમાં 38, 607 લોકો સંક્રમિત મળ્યા છે. એજ રીતે કર્ણાટકમાં 35,024 , ઉત્તર પ્રદેશમાં 35,104 કેસ મળ્યા.