ટીવી શો ભાભીજી ઘર પર હૈ દરેક ઘરમાં જોવાતો કોમન શો હશે જેના દરેક કેરેક્ટરની અલગ ફેન ફોલોઇંગ છે. પહેલા અંગુરી ભાભી એટલે કે શિલ્પા શિંદેએ શો છોડ્યો તો બાદમાં ગોરી મેમ એટલે કે સૌમ્યા ટંડને. હવે સૌમ્યાનું રિપ્લેસમેન્ટ પણ મળી ગયુ છે.
ભાભીજી ઘર પર હૈમાં મોટા બદલાવ
સૌમ્યા ટંડનને રિપ્લેસ કરશે નેહા પેંડસે
શિલ્પાને રિપ્લેસ કરી હતી શુભાંગી અત્રેએ
ઓગસ્ટમાં છોડ્યો હતો શો
સૌમ્યા ટંડન શો શરૂ થયો ત્યારથી અનિતા મિશ્રાનું પાત્ર ભજવી રહી હતી અને હવે તેને કંઇક અલગ કરવુ હતુ, જેના માટે તેણે ઓગસ્ટ મહિનામાં જ શો છોડી દીધો હતો. બાદમાં અનિતાને રિપ્લેસ કરી શકે તેવા કોઇ પાત્રની શોધ હતી જે હવે પૂર્ણ થઇ છે.
નેહા પેંડસે બનશે નવી ગોરી મેમ
સૌમ્યાના શો છોડ્યા બાદ મેકર્સે સૌથી પહેલા નેહા પેંડસેને આ રોલ માટે અપ્રોચ કર્યો હતો પરંતુ કેટલીક વસ્તુઓ પર આ વાત અટકી ગઇ હતી અને તેના બાદ અન્ય એક્ટ્રેસને પણ અપ્રોચ કરવામાં આવ્યો હતો. ત્યાં વાત ન બની બાદમાં નેહાને ફરીથી મેકર્સે કોન્ટેક્ટ કર્યો અને ડીલ ડન કરી હતી. જલ્દી જ નેહા ગોરી મેમ તરીકે ટીવી સ્ક્રિન પર આવશે.
સૌમ્યાએ કહી આ વાત
સૌમ્યાએ એક ઇન્ટરવ્યૂમાં કહ્યું હતું કે, મને લાગે છે કે નોકરી અને રેગ્યુલર ઇન્કમ મારા માટે હવે એક્સાઇટીંગ નથી રહી. એક કલાકાર તરીકે ગ્રોથ અપાવનાર પ્રોજેક્ટ પર મારે કામ કરવુ છે. ભાભીજી ઘર પર હૈ સિરીયલે તેમના ગ્રોથમાં ખુબ વધારો કર્યો છે, તેમની જર્ની આ શોમાં યાદગાર રહી છે પરંતુ આવનારા પાંચ વર્ષ સુધી પોતાને તે જ રોલમાં જોવા નથી ઇચ્છતી.
આ પહેલા નેહા પેંડસે મે આઇ કમઇન મેડમ અને બિગબોસ-12માં નજર આવી ચૂકી છે.
અંગુરી ભાભી પણ બદલાયા હતા
ભાભીજી ઘર પર હૈનું સૌથી પ્રિય પાત્ર એટલે અંગુરી તિવારી, જે પહેલા શિલ્પા શિંદે પ્લે કરતી હતી પરંતુ મેકર્સ સાથેની કેટલીક તકરાર બાદ શિલ્પાએ શો છોડી દીધો હતો અને બાદમાં મેકર્સે પણ શિલ્પા પર કેસ કર્યો હતો. જે બાદ શિલ્પાએ નિવેદન આપ્યુ હતું કે તે ડિપ્રેશનમાં આવી ગઇ હતી તે હદ સુધી મેકર્સે તેને હેરાન કરી હતી. હવે સત્ય શું છે તે તો શિલ્પા અને મેકર્સ વચ્ચે જ છે. આજ સુધી તે વાતને લઇને કોઇ પ્રોપર પુરાવા સાથે વાત સામે આવી નથી.
શિલ્પા શિંદેએ શો છોડ્યો તે બાદ બધાને લાગતુ હતું કે શોની ટીઆરપી ઓછી થઇ જશે પરંતુ શુભાંગી અત્રેએ અંગુરી તરીકે શોમાં ચાર ચાંદ લગાવી દીધા. લોકો શિલ્પાને ભૂલી ગયા અને શુભાંગીને ખોબલે ને ખોબલે પ્રેમ આપવા લાગ્યા. હવે નેહા સૌમ્યાને રિપ્લેસ કરવામાં સફળ થાય છે કે નહી તે તો સમય જ બતાવશે.