- આવતીકાલે દેશભરમાં આરોગ્ય સેવાઓ બંધ રહેશે
- NEET-PG કાઉન્સેલિંગ મામલે ડોકટરોએ આંદોલન ઉગ્ર બનાવ્યું
- દિલ્હી પોલીસની કાર્યવાહીથી ડોકટરો નારાજ
NEET-PG કાઉન્સેલિંગ 2021ના મામલે દેશના ડોકટરોએ આંદોલન ઉગ્ર બનાવ્યું
NEET-PG કાઉન્સેલિંગ 2021માં વિલંબ સામે દેશભરના ડોકટરોએ તેમનું આંદોલન ઉગ્ર બનાવ્યું છે. આગલા દિવસે દિલ્હીમાં મોટી સંખ્યામાં રેસિડેન્ટ ડોક્ટરોએ પ્રદર્શન કર્યું હતું અને આ દરમિયાન રસ્તા પર પોલીસ અને ડોક્ટરો વચ્ચે ઘર્ષણ થયું હતું. બંને પક્ષોનો દાવો છે કે તેમની બાજુના ઘણા લોકો ઘાયલ થયા છે. પોલીસ દળની કાર્યવાહીથી નારાજ ડોક્ટરોએ હવે 29 ડિસેમ્બર એટલે કે આવતીકાલે દેશભરની તમામ આરોગ્ય સેવાઓ સંપૂર્ણ બંધ રાખવાની હાકલ કરી છે.બીજી બાજુ, દિલ્હીના આઈપી એસ્ટેટ પોલીસ સ્ટેશનમાં ડોક્ટરો વિરુદ્ધ FIR નોંધવામાં આવી છે. ફેડરેશન ઓફ ઓલ ઈન્ડિયા મેડિકલ એસોસિએશન (FAIMA)એ કહ્યું કે 29 ડિસેમ્બરે સવારે 8 વાગ્યાથી દેશભરમાં તમામ સ્વાસ્થ્ય સેવાઓ સંપૂર્ણપણે બંધ રહેશે. FAIMAએ કહ્યું છે કે તેઓ દિલ્હી પોલીસના ક્રૂર વલણના વિરોધમાં આ હડતાલ કરી રહ્યા છે.
એસોસિએશને આરોપ લગાવ્યો કે પોલીસે દ્વારા કરાયેલા બળ પ્રયોગમાં કેટલાક ડોક્ટરો ઘાયલ થયા
તમને જણાવી દઈએ કે આ પહેલા તેમના આંદોલનને વધુ ઉગ્ર બનાવતા રેસિડેન્ટ ડોક્ટરોએ સોમવારે રસ્તાઓ પર કૂચ કરી હતી. કેન્દ્રીય સંચાલિત ત્રણ હોસ્પિટલો-સફદરજંગ, આરએમએલ અને લેડી હાર્ડિંજ હોસ્પિટલો તેમજ દિલ્હીની કેટલીક સરકારી હોસ્પિટલોમાં દર્દીઓની સારવારને અસર થઈ છે કારણ કે ડોકટરોનું આંદોલન ચાલુ છે. ફેડરેશન ઓફ રેસિડેન્ટ ડોક્ટર્સ એસોસિએશન છેલ્લા ઘણા દિવસોથી વિરોધ કરી રહ્યું છે.એસોસિએશનના પ્રમુખ મનીષે દાવો કર્યો હતો કે સોમવારે મોટી હોસ્પિટલોના નિવાસી ડોકટરોએ વિરોધમાં પ્રતીકાત્મક રીતે તેમના એપ્રોન (લેબ કોટ) પરત કર્યા હતા. તેમણે કહ્યું, "અમે મૌલાના આઝાદ મેડિકલ કોલેજ (MAMC) કેમ્પસથી સુપ્રીમ કોર્ટ સુધી કૂચ કરવાનો પણ પ્રયાસ કર્યો હતો, પરંતુ અમે તે શરૂ કર્યું કે તરત જ સુરક્ષાકર્મીઓએ અમને આગળ વધતા અટકાવ્યા."મનીષે એવો પણ આરોપ લગાવ્યો હતો કે પોલીસે અનેક ડોક્ટરોની અટકાયત કરી હતી અને પોલીસ સ્ટેશન લઈ જવામાં આવ્યા હતા. જેમાં પોલીસે કરેલા બળપ્રયોગમાં કેટલાક ડોક્ટરો ઘાયલ થયા. જોકે થોડા સમય બાદ તેને છોડી મુકવામાં આવ્યો હતાં તે પણ જણાવ્યું હતું.
આ મામલે પોલીસે દાવો્ કર્યો હતો કે અમે કોઈ લાઠી ચાર્જ કર્યો નથી
આ સમગ્ર ઘટના બાદ એસોસિએશને તેના ટ્વિટર હેન્ડલ પર પોલીસ કર્મચારીઓ અને પ્રદર્શનકારીઓ વચ્ચેની ઝપાઝપીની તસવીરો પોસ્ટ કરી છે. જોકે, પોલીસે લાઠીચાર્જ અથવા અપશબ્દોનો ઉપયોગ કરવાના આરોપને નકારી કાઢ્યા હતા અને કહ્યું હતું કે 12 દેખાવકારોની અટકાયત કરવામાં આવી હતી અને બાદમાં તેમને છોડી મૂકવામાં આવ્યા હતા.તેમણે કહ્યું કે પ્રદર્શનકારીઓએ છથી આઠ કલાક સુધી આઈટીઓ રોડ બ્લોક કરી દીધો હતો. તેને બહાર જવા માટે વારંવાર વિનંતી કરવામાં આવી હતી, પરંતુ તેણે તેની અવગણના કરી હતી.
