મે 2022 થી મહિલાઓ નેશનલ ડિફેન્સ એકેડમીની પ્રવેશ પરીક્ષા આપી શકશે તેવી જાણ કેન્દ્ર સરકારે સુપ્રીમ કોર્ટને કરી દીધી છે.
મે 2022 થી મહિલાઓ NDA ની પરીક્ષા આપી શકશે
કેન્દ્ર સરકારે એફિડેવિટ દાખલ કરીને સુપ્રીમને કરી જાણ
8 સપ્ટેમ્બરે કેન્દ્ર દ્વારા મહિલાઓને આ મંજૂરી આપી દેવાઈ છે
મહિલાઓને એનડીએ પરીક્ષામાં બેસવા દેવાની માંગ કરતી અરજી પર કેન્દ્ર સરકારે સુપ્રીમ કોર્ટમાં એફિડેવિટ દાખલ કરીને જાણકારી આપી છે. ગત સુનાવણીમાં સુપ્રીમ કોર્ટે કેન્દ્ર સરકારે આ સંબંધમાં પગલાં ભરવાનું કેન્દ્ર સરકારને જણાવ્યું હતું.
કેન્દ્ર સરકારે ડિફેન્સ સર્વિસ માટે એક સ્ટડી સમુહની પણ રચના કરી
કેન્દ્ર સરકારે ડિફેન્સ સર્વિસ માટે એક સ્ટડી સમુહની પણ રચના કરી છે જેમાં ભારતીય શસ્ત્ર બળોની ડિફેન્સ સર્વિસ તાલીમ સંસ્થાન તથા અધિકારીઓના એક બોર્ડ તથા વિશેષજ્ઞ સામેલ છે જે મહિલા ઉમેદવારો માટે એક વ્યાપક પાઠ્યક્રમ તૈયાર કરશે.
મે 2022 ની પહેલી બેચમાં મહિલા કેડર ટકાવારી અને કેડર માળખા, વિશિષ્ટ સેવા એકેડમીમાં કેડરની ક્ષમતા, રોજગારી વગિર કારણો પર નિર્ભર કરેશે. કેન્દ્ર સરકારે સુપ્રીમ કોર્ટને જાણ કરી છે કે પુરુષો માટે પહેલેથી જ એનડીએ માટે શારીરિક માપદંડ બનાવાયા છે પરંતુ હવે મહિલા અધિકારીઓ માટે પણ યોગ્ય મેડિકલ માપદંડ તૈયાર કરવાની પ્રક્રિયા ચાલુ છે. એકેડમીમાં સામેલ થતા પહેલા આવું કરવાની જરુર છે. એડિફેવિટમાં એવું પણ કહેવાયું છે કે સશસ્ત્ર બળ ચિકિત્સ સેવા મહાનિર્દેશાલય અને વિશેષજ્ઞોનું યુનિટ ત્રણેય ડિફેન્સ સેવાઓ માટે જરુરી સ્ટડી કરશે અને તેમની ઉંમર, તાલીમની પ્રકૃતિ જેવા જુદાજુદા પરિબળોને ધ્યાનમાં રાખીને મેડિકલ માપદંડો નક્કી કરશે.
મહિલા ઉમેદવારોના આવાસ પુરુષ આવાસોથી દૂર રાખવામાં આવશે.
કેન્દ્ર સરકારે તેના એડિડેવિટમાં એવું પણ જણાવ્યું છે કે આવાસ, તાલીમ ક્ષમતા, સુરક્ષા અને પ્રાઈવેટ, રહેવા માટેના ક્વોર્ટરો, સંબંધિત શારીરિક અને ઈલેક્ટ્રોનિક દેખરેખના ઉપાયો સંબંધિત કામ કરવામાં આવશે. મહિલા ઉમેદવારોના આવાસ પુરુષ આવાસોથી દૂર રાખવામાં આવશે.
કેન્દ્ર સરકારે મહિલાને એનડીએની પરીક્ષાની મંજૂરી આપી દીધી છે
ઉલ્લેખનીય છે કે કેન્દ્ર સરકારે 8 સપ્ટેમ્બરે મહિલા ઉમેદવારોને એનડીએની પરીક્ષામાં બેસવા દેવાની જાહેરાત કરી દીધી હતી. પરંતુ કેન્દ્ર સરકાર આ વર્ષે છૂટ લેવા માગે છે જેને માટે નવેમ્બરમાં પરીક્ષાઓ યોજાવાની છે.