ગોઝારો ગુરુવાર / આજના દિવસમાં અકસ્માતની ચોથી ઘટના, નાસિકમાં ફેક્ટરીમાં લાગી આગ

• ગુરુવારે સવારે વિશાખાપટ્ટનમ ગેસ લીક ​​દુર્ઘટનામાં શરૂ થયેલા અકસ્માતો થોભવાનું નામ નથી લઈ રહ્યા

સાંજે નાસિકમાં એક ફેક્ટરીમાં આગ લાગી હતી.નાસિકની આ ફેક્ટરીમાં લાગેલી આગ એટલી ભયાનક છે કે ફાયર બ્રિગેડના 10 વાહનો તેને કાબૂમાં લેવા સ્થળ પર પહોંચી ગયા છે. હાલમાં રાહત અને બચાવ કામગીરી ચાલી રહી છે. આ ઘટનામાં જાન-માલના નુકસાન અંગે કોઈ માહિતી નથી.

વિશાખાપટ્ટનમ ગેસ લીક ​​થતાં અકસ્માતોની શરૂઆત થઈ હતી

ગુરુવારે આ પહેલા સવારે આંધ્રપ્રદેશના વિશાખાપટ્ટનમ નજીક રાસાયણિક કારખાનામાં ગેસ ગળતર (Visakhapatnam Gas Leak Accident) પછી 11 લોકો મૃત્યુ પામ્યા હતા અને લગભગ એક હજાર લોકો ગંભીર રીતે બિમાર થયા હતા. આ પછી છત્તીસગઢના રાયગઢમાં એક પેપર મિલમાં ગેસ લિક થવાના કારણે બીમાર પડતાં મજૂરોને હોસ્પિટલમાં દાખલ કરવામાં આવ્યા છે. તેમાંથી 3 ની હાલત નાજુક છે.

તમિળનાડુમાં બોઇલરો ફાટ્યા, 7 ઘાયલ

At least seven workers of #Neyveli Lignite Corporation, India Ltd were injured and hospitalised when a boiler in one of the power units in #TamilNadu #Cuddalore district exploded this evening.#NLC #lockdown pic.twitter.com/LztqNpyWBG

— Smitha T K (@smitha_tk) May 7, 2020

બીજી બાજુ સમાચાર એવા પણ આવ્યા કે તમિલનાડુ ના નેવેલીમાં બોઈલર ફાટતાં સાત લોકો ઘાયલ થયા છે. રાજ્યના કુડ્લોર જિલ્લામાં નેવેલી લિગ્નાઇટ કોર્પોરેશન લિમિટેડના એક પ્લાન્ટમાં આ અકસ્માત થયો હતો. અકસ્માત બાદ પ્લાન્ટમાંથી ધુમાડાના વાદળ જોવા મળ્યા હતા. આ ઘટના પછી તરત જ NLC ઈન્ડિયા લિમિટેડની રાહત અને બચાવ કામગીરી પૂરી પાડતી ટીમો આવી ગઈ છે અને પરિસ્થિતિને કાબૂમાં લેવા પ્રયાસો કરવામાં આવી રહ્યા છે.