પોલ / ટ્રમ્પ અને પુટિનને પછાડી વિશ્વના પાવરફુલ વ્યક્તિ હવે નરેન્દ્ર મોદી

નોમિનેશન લિસ્ટમાં  દુનિયાની 25 સૌથી મોટી હસ્તિઓમાં સામેલ કરવામાં આવ્યા હતા અને જજ કરવાના પેનલ એક્સપર્ટ્સે સૌથી શક્તિશાળી વ્યક્તિ માટે 4 ઉમેદવારોનું નામ સામે રાખ્યું હતું. પસંદગી પ્રક્રિયાના મૂલ્યાંકન આ તમામ આંકડાઓના વ્યાપક અધ્યયન અને રિસર્ચ પર આધારિત હતું. 

કેવી રીતે કરવામાં આવ્યું વોટિંગ

વોટિંગ દરમિયાન બ્રિટિશ હેરાલ્ડના રીડર્સને અનિવાર્ય વન ટાઇમ પાસવર્ડ (ઓટીપી) પ્રોસેસ દ્વારા વોટિંગ કરવાનું હતું. વોટિંગ દરમિયાન સાઇટ પણ ક્રેશ થઇ હતી. કેમકે વોટર્સ પોતાની પસંદગીની હસ્તીને જીતાડવાના પ્રયાસમાં હતા. 

BRITISH HERALD Magazine has evaluated Shri @narendramodi ji as world's most powerful person.
As Indians, Be Proud of This Great Achievement. pic.twitter.com/YogAn0ge96

— Atif Rasheed (@AtifBjp) June 20, 2019

કોને કેટલા વોટ મળ્યા 

શનિવારે વોટિંગ પૂર્ણ થયા સુધીમાં નરેન્દ્ર મોદીને પોલમાં સૌથી વધારે 30.9 ટકા વોટ મળ્યા હતા. જ્યારે પ્રતિદ્વંદ્વીઓ પુતિન, ડોનાલ્ડ ટ્ર્મ્પ, અને શી જિનપિંગથી ઘણા આગળ હતા. આ પોલમાં મોદી બાદ બીજા સૌથી શક્તિશાળી વ્યક્તિ રશિયાના રાષ્ટ્રપ્રમુખ વ્લાદિમીર પુતિન રહ્યા. જેમને 29.9 ટકા વોટ મળ્યા હતા.

ડોનાલ્ડ ટ્રમ્પને 21.9 ટકા લોકોએ સૌથી શક્તિશાળી માન્યા હતા. ત્યારે બાદ ચીનના રાષ્ટ્રપ્રમુખ શી જિનપિંગ જેમને 18.1 ટકા લોકોએ વોટ આપ્યા હતા. નરેન્દ્ર મોદીની તસવીર બ્રિટિશ હેરાલ્ડ મેગેઝિનના જૂલાઇ એડિશનમાં પણ કવર પેજ પર પ્રકાશિત કરવામાં આવશે.