તસવીર / સોશ્યલ મીડિયામાં આજે કેમ વાયરલ થઈ રહી છે PM મોદીની જૂની તસવીર, ગુજરાતના રાજકારણ સાથે છે કનેક્શન

• 7 ઓકટોબર 2001ના રોજ ગુજરાતનાં મુખ્યમંત્રી તરીકે નરેન્દ્ર મોદીએ લીધા હતા શપથ 
• 12 વર્ષ 227 દિવસ રહ્યા હતા ગુજરાતનાં મુખ્યમંત્રી 
• શપથની તસવીરો થઈ રહી છે સોશિયલ મીડિયા પર વાયરલ 

7 ઓકટોબર 2001ના રોજ ગુજરાતનાં મુખ્યમંત્રી તરીકે નરેન્દ્ર મોદીએ લીધા હતા શપથ

PM નરેન્દ્ર મોદી છેલ્લા આઠ વર્ષથી દેશ સંભાળી રહ્યા છે, પરંતુ આજે સવારથી સોશિયલ મીડિયા પર એક તસવીર ઘણી શેર કરવામાં આવી રહી છે. મોદી આર્કાઇવ નામના એકાઉન્ટ પરથી આ તસવીર ટ્વિટર પર પણ શેર કરવામાં આવી છે. આ એકાઉન્ટ પરથી વધુ તસવીરો શેર કરવામાં આવી રહી છે. જેમાં વડાપ્રધાન જ્યારે ગુજરાતના મુખ્યમંત્રી બન્યા હતા. તે બાબતોનો ઉલ્લેખ કરવામાં આવ્યો છે. પીએમ મોદીની આ તસવીર 21 વર્ષ જૂની છે. આજે 7મી ઓક્ટોબર છે. આજથી 21 વર્ષ પહેલા 7 ઓક્ટોબર 2001ના રોજ મોદીએ પહેલીવાર મુખ્યમંત્રી તરીકે શપથ લીધા હતા.  ત્યાર બાદ તેઓ સતત ગુજરાતના મુખ્યમંત્રી બન્યા અને 12 વર્ષ 227 દિવસ સુધી આ પદ પર રહ્યા. પછી તેઓ વડાપ્રધાન બન્યા. વાયરલ થઈ રહેલી તસવીરમાં ગુજરાતના તત્કાલિન રાજ્યપાલ સુંદર સિંહ ભંડારી નરેન્દ્ર મોદીને મુખ્યમંત્રી પદના શપથ લેવડાવી રહ્યા છે. મંચ પર ગુજરાતના પ્રખ્યાત પોલીસ અધિકારી ડીજી વંજારા પણ હાજર છે. મુખ્યમંત્રી બન્યા બાદ નરેન્દ્ર મોદીએ તરત જ કામ શરૂ કર્યું અને તેમણે 10 કલેક્ટર સાથે વીડિયો ફોન પર વાત કરી હતી. 

There comes moment in history, which end up rewriting history!

This moment- 21 years ago-is one such moment as it laid foundation of transformation of India.

It was on this day, PM @narendramodi took oath as CM of Gujarat- an oath that he has kept, in both letter & spirit. pic.twitter.com/6TDYulYL7L

— Alok Bhatt (@alok_bhatt) October 7, 2022

सेवा और समर्पण के 21 वर्ष!

21 years ago, Shri @narendramodi Ji was sworn in as Gujarat's Chief Minister.

And the rest is history! pic.twitter.com/jb62dtEyXG

— Vijay Goel (@VijayGoelBJP) October 7, 2022

સીધા બન્યા હતા મુખ્યમંત્રી 

જ્યારે નરેન્દ્ર મોદીને ગુજરાતના મુખ્યમંત્રી બનાવવામાં આવ્યા હતા. ત્યારે તેઓ ગુજરાત વિધાનસભાના સભ્ય પણ ન હતા. મુખ્યમંત્રી બન્યાના ચાર મહિના પછી, તેમણે ગુજરાત વિધાનસભામાં જવા માટે રાજકોટ-2માંથી ચૂંટણી લડી. તે પછી તેઓ ધારાસભ્ય બન્યા અને 2002ની ચૂંટણી જીતીને ફરી મુખ્યમંત્રી બન્યા. અગાઉ 4 ઓક્ટોબર, 2001ના રોજ નરેન્દ્ર મોદી ગુજરાત વિધાનસભા પક્ષના નેતા તરીકે ચૂંટાયા હતા. તે સમયે ભાજપના દિગ્ગજ નેતા કુશાભાઉ ઠાકરે અને દિલ્હીના પૂર્વ મુખ્યમંત્રી મદન લાલ ખુરાનાની હાજરી હતી. નરેન્દ્ર મોદીના નામની જાહેરાત સમયે તત્કાલિન મુખ્યમંત્રી કેશુભાઈ પટેલ પણ હાજર હતા.

#ThisDay, 21 years ago, seeds of a new destiny for India were sowed. It was on this day in 2001 that PM @narendramodi ji took oath as the CM of Gujarat.

The last 21 years of PM Modi in public service and as the head of a government has brought many positive changes in India. pic.twitter.com/RIPIiQ9d1R

— Dharmendra Pradhan (@dpradhanbjp) October 7, 2022

વજૂભાઈએ ખાલી કરી હતી સીટ 
7 ઓક્ટોબર 2001 થી 7 ઓક્ટોબર 2022 સુધી નરેન્દ્ર મોદી સતત પદ પર રહ્યા છે. તેઓ 12 વર્ષ 227 દિવસ મુખ્યમંત્રી તરીકે અને હવે વડાપ્રધાન તરીકે કામ કરી રહ્યા છે. બીજી એક રસપ્રદ વાત એ છે કે જ્યારે નરેન્દ્ર મોદીને મુખ્યમંત્રી રહેવા માટે વિધાનસભાના સભ્ય બનવાની જરૂર હતી, ત્યારે રાજકોટ પશ્ચિમના ધારાસભ્ય વજુભાઈ વાળાએ તેમના માટે બેઠક ખાલી કરી હતી. જાન્યુઆરી 2002માં રાજકોટ પશ્ચિમમાં ચૂંટણી યોજાઈ હતી. મુખ્યમંત્રી તરીકે ચૂંટણી લડતા નરેન્દ્ર મોદી 57.32 ટકા મતો મેળવીને 14 હજારથી વધુ મતોથી જીત્યા હતા.