નમસ્તે ટ્રમ્પ / ખચોખચ ભરેલા મોટેરા સ્ટેડિયમની ખાસિયત જાણીને થઈ જશો આફરિન

• શું છે વિશ્વનું સૌથી મોટા ક્રિકેટ સ્ટેડિયમની વિશેષતા
• અમદાવાદના મોટેરામાં વિશ્વનું સૌથી મોટુ ક્રિકેટ સ્ટેડિયમ
• મોટેરામાં આવેલુ છે સરદાર પટેલ ક્રિકેટ સ્ટેડિયમ

સ્ટેડિયમમાં 1.10 લાખ લોકોના બેસવાની ક્ષમતા છે. સ્ટેડિયમ 63 એકરમાં બનાવવામાં આવ્યું છે. સ્ટેચ્યુ ઓફ યુનિટીનું નિર્માણ કરનાર કંપનીએ જ સ્ટેડિયમ બનાવ્યુ છે. 
લાર્સન એન્ટ બ્રુલો ( L&T )  દ્વારા સ્ટેડિયમનું નિર્માણ કરાયુ છે. માર્ચ 2017માં L&T કંપનીએ નિર્માણ કાર્ય શરૂ કર્યુ હતુ.

3 વર્ષે તૈયાર થયુ ગ્રાઊન્ડ

3 વર્ષના સમયગાળામાં સ્ટેડિયમનું કામ પૂર્ણ કરવામાં આવ્યું છે. સ્ટેડિયમના મેદાન પર કુલ 11 પીચ છે. 11 પીચને લાલા અને કાળી માટી દ્વારા તૈયાર કરાઇ છે. 

નવા સ્ટેડિયમના નિર્માણનો ખર્ચ રૂ. 800 કરોડ

સ્ટેડિયમની ડિઝાઇન આર્કિટેક્ટ ફર્મ પોપ્યુલસ દ્વારા કરાઇ છે. મેલબોર્ન ક્રિકેટ સ્ટેડિયમની ડિઝાઇન પણ પોપ્યુલસે તૈયાર કરી હતી. નવા સ્ટેડિયમના નિર્માણનો ખર્ચ રૂ. 800 કરોડ છે. 
સ્ટેડિયમમાં 4 ડ્રેસિંગ રૂમ, ઓલમ્પિક સાઇઝનું સ્વિમિંગ પુલ, 4 આધુનિક ડ્રેસિંગ રૂમ સાથે 3 પ્રેક્ટિસ ગ્રાઉન્ડ પણ બનાવવામાં આવ્યા છે. 

મુખ્ય મેદાન સિવાય અન્ય પ્રેક્ટિસ માટે 2 ક્રિકેટ ગ્રાઉન્ડ

સ્ટેડિયમમાં સ્ક્વોશ એરિયા, ટેબલ ટેનિસ એરિયા પણ હશે. સ્ટેડિયમમાં 3D થિયેટરની પણ વ્યવસ્થા કરવામાં આવી છે. સ્ટેડિયમમાં 55 રૂમ, 76 કોર્પોરેટ બોક્સ પણ છે. સ્ટેડિયમની અંદર જ એક ઇન્ડોર ક્રિકેટ એકેડમી પણ બનાવવામાં આવી છે. 

મોટેરા સ્ટેડિયમમાં વિશાળ પાર્કિગ બનાવવામાં આવ્યું છે

સ્ટેડિયમમાં 4000 કાર,20 હજાર ટૂ-વ્હીલ પાર્કિંગની સુવિધા છે. સ્ટેડિયમના કોઇપણ ખુણામાં બેસીને મેચનો આણંદ માણી શકાશે. સ્ટેડિયમમાં એકપણ પીલર રાખવામાં આવ્યા નથી. 
સ્ટેડિયમમાં ખેલાડીએ રમેલો શોટ તમામ દર્શકો જોઇ શકશે. 

મ્યુઝિક અને લાઈટીંગથી છે સજ્જ

BOSSની મ્યુઝિક સિસ્ટ સાથે સમગ્ર સ્ટેડિયમ સજ્જ છે. મેદાનમાં ફ્લડ લાઇટના બદલે LED લાઇટ લગાવાઇ છે. મેદાનમાં ફ્લડ લાઈટ્સની ઉંચાઈ 90 મીટર છે. 

ડ્રેનેજ સિસ્ટમ કમાલની, વરસાદમાં પણ અડધા કલાકમાં મેદાન તૈયાર

ગ્રાઉન્ડમાં પ્રવેશવા માટે 3 પ્રવેશદ્વારા બનાવાયા છે. મેદાનની નીચે સબ સર્ફેલ ડ્રેનેઝ સિસ્ટમ બનાવાયું છે. સબ સર્ફેલ ડ્રેનેઝ સિસ્ટમથી વરસાદની સ્થિતીમાં મદદ મળશે. વરસાદની સ્થિતીમાં મેદાનને ફરી 30 મિનિટમાં તૈયાર કરી શકાશે. 

ઘાયલ ખેલાડીઓ માટે અદ્યતન સુવિધા

સ્ટેડિયમની અંદર જ ઘાયલ ખેલાડીઓને સારવાર આપી શકાશે. સ્ટેડિયમની અંદર ફિઝિયોથેરેપી સિસ્ટમ-હાઈડ્રોથેરેપી સિસ્ટમ પણ ઉપલબ્ધ છે. દર્શકોને સ્ટેડિયમથી 300થી 400 મીટર દૂર મેટ્રોની સુવિધા મળશે. 

એક સાથે ક્રિકેટ સાથે બીજી ગેમ પણ રમી શકાશે

મોટેરા સ્ટેડિયમમાં એક જ મેદાનમાં મલ્ટિપલ ગેમ રમી શકાશે. સ્ટેડિયમમાં ક્રિકેટ સિવાય ફૂટબોલ, હોકી, વોલીબોલ રમી શકાશે. સ્ટેડિયમમાં બાસ્કેટબોલ,ટેનિસ, બેડમિન્ટન જેવી રમતો રમી શકાશે.