અમદાવાદઃ બિટકોઈન કૌભાંડમાં સંડોવાયેલા પૂર્વ ધારાસભ્ય નલિન કોટડિયાને અમદાવાદ ક્રાઈમ બ્રાન્ચે મહારાષ્ટ્રના ધુલિયામાંથી ઝડપી પાડ્યા છે. ક્રાઈમ બ્રાન્ચને કોટડિયા અંગે બાતમી મળી હતી. જે બાદ ક્રાઈમ બ્રાન્ચ કોટડીયાની ધુલિયામાંથી ધરપકડ કરી અમદાવાદ પરત લાવી છે. ક્રાઈમ બ્રાન્ચ દ્વારા કોટડિયાને મોડી સાંજે VS હોસ્પિટલ ખાતે પણ લઈ જવામાં આવ્યા હતા.
જ્યાં તેમનું મેડિકલ ચેકઅપ કરાયું હતું. જે બાદ ક્રાઈમ બ્રાન્ચે નલિન કોટડિયાને CID ક્રાઈમને સોંપી દીધા છે. કારણ કે આ સમગ્ર મામલાની CID ક્રાઈમ દ્વારા તપાસ કરવામાં આવી રહી છે.
બિટકોઈન તોડકાંડ મામલે છેલ્લા ઘણા સમયથી ભાગી રહેલા નલીન કોટડિયાની પોલીસે ધરપકડ કરી છે. અમદાવાદ ક્રાઈમબ્રાંચે નલીન કોટડિયાની મહારાષ્ટ્રના ધુલિયામાંથી ધરપકડ કરી છે.
ઉલ્લેખનીય છે કે કોર્ટ દ્વારા 3 વખત કોટડિયાના વિરૂદ્ધમાં નોટિસ જારી કરી હતી. ત્યાર બાદ કોર્ટે કોટડિયાને ભાગેડૂ પણ જાહેર કર્યો હતો. ત્યારે માહિતીના આધારે અમદાવાદ ક્રાઈમ બ્રાંચે બાતમીના આધારે કોટડિયાની ધરપકડ કરી છે.