મુંબઇના સૌથી ધનિક GSB મંડળ પંડાળના ગણપતિ દેશના સૌથી ધનિક ગણપતિમાંથી એક છે. આ વખતે GSB મંડલે લગભગ 264.5 કરોડ રૂપિયાનો વીમો લીધો છે. આ સિવાય મુંબઇના ફેમસ ગણેશ મંડળોએ આ વખતે કરોડો રૂપિયાનો વીમો કરાવ્યો છે. આ વીમો ગણેશ મૂર્તિ પર ચઢાવવામાં આવતા કરોડોના દાગીના અને ભક્તોની સુરક્ષા માટે કરાવાયો છે.
કમિટી મેમ્બરે જણાવ્યુ કે પોલિસીમાં અલગ-અલગ મુદ્દાઓનો સમાવેશ કરવામાં આવ્યો છે. જેમાં તમામ રિસ્ક-કવર કરવામાં આવ્યુ છે જેમ કે ગણપતિને ચઢાવવામાં આવેલા સોના ચાંદી અને રોકડ. આ ઉપરાંત આગ અને ભૂકંપની ઘટનાનું પણ કવર લેવામાં આવ્યુ છે. અમારા ગ્રુપમાં 2244 કાર્યકરો મેમ્બર અને વૉલિન્ટિયર્સની 10 લાખ રૂપિયાની એક્સિડન્ટ પોલિસી લેવામાં આવી છે.
મુંબઇમાં અનેક ગણપતિ પંડાલો દ્વારા કરોડોનો વીમો લેવામાં આવ્યા છે. તે ફેમસ લાલબાગના રાજા ગણપતિ મંડળે આ વર્ષે બાપાનો 25 કરોડનો વીમો કરાવ્યો છે. જોકે ગત વર્ષે લાલબાગ કા રાજાએ 51 કરોડ રૂપિયાનો વીમો કરાવ્યો હતો. મુંબઇમાં ગણપતિના દર્શન માટે મોટી સંખ્યામાં લોકો ઉમટી પડે છે. આવી સ્થિતિમાં કોઇ ઘટના કે અકસ્માત ન સર્જાય તે માટે મંડળો દ્વારા વીમો કરાવવામાં આવે છે.