બિઝનેસ / મુકેશ અંબાણીને જેક પોટ; આ ડીલથી 1 અબજ ડોલરનો ચેક આવશે ખાતામાં; જાણો વિગતો

સાઉદી અરેબિયાના પબ્લિક ઈન્વેસ્ટમેન્ટ ફંડ (PIF) અને અબુ ધાબી ઇન્વેસ્ટમેન્ટ ઓથોરિટી (ADIA) એ તેમાં 51 ટકા હિસ્સો ખરીદવા માટે એક અબજ ડોલરનું રોકાણ કરવા સંમત થયા છે.

DFITમાં આ બંને સોવરેઇન ફંડ્સ 51 ટકા હિસ્સો હસ્તગત કરશે

આ માટે છેલ્લા એક વર્ષથી વાટાઘાટો ચાલી રહી હતી. રિલાયન્સના ડિજિટલ ફાઇબર ઇન્ફ્રાસ્ટ્રક્ચર ટ્રસ્ટ (DFIT)માં આ બંને સોવરેઇન ફંડ્સ 51 ટકા હિસ્સો હસ્તગત કરશે. આ માટે બંને સોવરેઇન ભંડોળ 3,799-3,799 કરોડ રૂપિયા (50.6 કરોડ ડોલર)નું રોકાણ કરશે. કંપનીએ તેના પ્રેઝન્ટેશનમાં આ માહિતી આપી હતી.

ડિજિટલ ફાઇબર ઇન્ફ્રાસ્ટ્રક્ચર ટ્રસ્ટ (DFIT)ના 49 ટકા વિવિધ રિલાયન્સ કંપનીઓને હસ્તક રહેશે. આ કંપનીઓ પણ તેમાં 1 અબજ ડોલરનું રોકાણ કરી રહી છે.

કેટલી રકમ ભેગી કરશે કંપની?

ETએ અગાઉ અહેવાલ આપ્યો હતો કે PIF અને ADIA ફાઇબર એસેટમાં રોકાણ માટે રિલાયન્સ સાથે વાતચીત કરી રહ્યા છે. કંપનીના ડિજિટલ ફાઇબર ઇન્ફ્રાસ્ટ્રક્ચર ટ્રસ્ટ (DFIT) રોકાણકારોને યુનિટ્સ આપીને રૂ 14,700 કરોડ એકત્ર કરશે અને દેવા એટલે કે debtના માધ્યમથી રૂ 25,000 કરોડ એકત્ર કરશે. 

આ નાણાંનો ઉપયોગ ફાઇબર ઓપ્ટિક કંપનીના દેવાને ઘટાડવા માટે કરવામાં આવશે. ફાઇબર ઓપ્ટિક બિઝનેસમાં 51 ટકા હિસ્સો બહારની કંપનીઓને અપાશે અને બાકીનો ભાગ RIL પાસે રહેશે.