ખુલાસો / અંબાણીના ઘરની બહાર વિસ્ફોટક કાર મળવા મામલે CCTVના આધારે થયો મોટો ખુલાસો

• મુકેશ અંબાણીના ઘર બહાર મળી હતી વિસ્ફોટકો ભરેલી કાર 
• પોલીસને CCTV ફૂટેજમાં મળ્યા પૂરાવા 
• પોલીસે આસપાસના વિસ્તારના CCTVની તપાસ શરૂ કરી 

મુલુંડ ટોલ પ્લાઝા પર જોવા મળી હતી કાર 

દેશના સૌથી ધનવાન વ્યક્તિ મુકેશ અંબાણીના નિવાસ સ્થાન એંટીલિયાની બહાર શંકાસ્પદ કાર મળવા મામલે મુંબઈની ક્રાઇમ બ્રાન્ચને મોટા પૂરાવા મળ્યા છે. મુંબઈ ક્રાઇમ બ્રાન્ચને મુલુંડ ટોલ પ્લાઝાના સીસીટીવી મળી આવ્યા છે જેમાં રાત્રે 3 વાગ્યા આસપાસ સફેદ ઈનોવા કાર મુલુંડ ટોલ પ્લાઝા ક્રોસ કરીને થાણે શહેરમાં દાખલ થાય છે. 

નકલી નંબર પ્લેટનો ઉપયોગ 

મહારાષ્ટ્ર પોલીસ હવે ઘોડબંદર, થાણે, શહાપુર, નાસિક, ભિવંડીના CCTVની તપાસ કરી રહી છે અને અહેવાલો સામે આવ્યા છે કે ઈનોવામાં ખોટી નંબર પ્લેટનો ઉપયોગ કરવામાં આવ્યો હતો. 

શું હતી ઘટના 

નોંધનીય છે કે 25 ફેબ્રુઆરીના રોજ મુકેશ અંબાણીના નિવાસ સ્થાનની બહાર એક શંકાસ્પદ કાર મળી રાવી હતી જેમાં 20 જીલેટીનની સ્ટિક હતી. બુધવારે રાત્રે કોઈ વ્યક્તિ આ કાર મુકેશ અંબાણીના ઘર બહાર મૂકી ગયું હતું. ઘર પાસે આ કાર મળ્યા બાદ સુરક્ષાકર્મીઑએ પોલીસને સૂચના આપી જે બાદથી તપાસ કરવામાં આવી રહી છે. 

આતંકવાદની ઘટનાના એંગલથી થઇ રહી છે તપાસ 

કારની અંદરથી જીલેટીનની સ્ટિક તથા ઘણીબધી નંબર પ્લેટ મળવાના કારણે પોલીસ સહિતની સુરક્ષા એજન્સીઓ અલર્ટ પર છે. પોલીસ હવે આ ઘટનાને આતંકવાદની ઘટનાના એંગલ સાથે તપાસી રહી છે.