રિલાયન્સ ઇન્ડસ્ટ્રીઝ લિમિટેડના શેરમાં શુક્રવારે બપોર બાદ આવેલ ઉછાળાથી મુકેશ અંબાણીની નેટવર્થમાં 3.03 અરબ ડોલર(આશરે 22,000 કરોડ રૂપિયા)નો વધારો થયો છે.
મુકેશ અંબાણીની નેટવર્થમાં થયો 22 હજાર કરોડનો વધારો
Bloomberg Billionaires Index માં થયો ખુલાસો
ગૌતમ અદાણી બીજા નંબરે
શુક્રવારે સવારે તેઓ દુનિયાના રહિશોની ટોપ-10 યાદીમાં બહાર નીકળી ગયા હતા પરંતુ સાંજ પડતા જ તેઓ ફરી ટોપ ટેનમાં પરત આવી ગયા હતા. Bloomberg Billionaires Index ના જણાવ્યા પ્રમાણે તેઓ 81 અરબ ડોલરની નેટવર્થની સાથે દુનિયાના અમીરોની સૂચીમાં 10માં સ્થાન પર આવી ગયા છે. ચાલુ વર્ષે તેમની નેટવર્થમાં 4.32 અરબ ડોલરનો વધારો થયો છે.
રિલાયન્સના શેર શુક્રવારે બીએસઈ પર 3.60 ટકાની છલાંગની સાથે 2081.90 પર બંધ થયો હતો. જેનાથી રિલાયન્સનું માર્કેટ કેપ 1,341,805.09 કરોડ રૂપિયા પહોંચી ગયો હતો. તો 16 સપ્ટેમ્બર 2020ના રોજ રિલાયન્સનો માર્કેટ કેપ 16 લાખ કરોડ રૂપિયાને પાર પહોંચી ગયું હતું અને અંબાણીની નેટવર્થ 90 અરબ ડોલર પહોંચી ગઇ હતી. આ કારણે તેઓ દુનિયાના અમીરોની યાદીમાં ચોથા સ્થાન પર પહોંચી ગયા હતા, પરંતુ ત્યારબાદ રિલાયન્સના શેર ગગડ્યો હતો અને અંબાણી અમીરોની સૂચીમાંથી ખસી ગયા હતા.
ગૌતમ અદાણી બીજા નંબરે
આ લિસ્ટમાં જગ્યા મેળવનાર ભારતીયોમાં અદાણી ગ્રુપના ચેરમેન ગૌતમ અદાણી 25માં સ્થાન પર છે. તેમનું નેટવર્થ 50.1 અરબ ડોલર છે. આ વર્ષનું નેટવર્થ 16.4 અરબ ડોલર વધ્યો છે. એમેઝોનના સીઇઓ જેફ બેઝોસ 181 અરબ ડોલર નેટવર્થની સાથે પ્રથમ સ્થાન પર છે. ટેસ્લા અને સ્પેસએક્સના સીઇઓ એલન મસ્ક 170 અરબ ડોલરની નેટવર્થની સાથે બીજા સ્થાન પર છે.
માઇક્રોસોફ્ટના કો-ફાઉન્ડર બિલ ગેટ્સ ત્રીજા નંબર
માઇક્રોસોફ્ટના કો-ફાઉન્ડર બિલ ગેટ્સ ત્રીજા નંબર છે તો ફ્રાન્સના બિઝનેસમેન બર્નાર્ડ આરનોર્લ્ડ આ લિસ્ટમાં ચોથા ક્રમાંકે છે. આ સાથે જ ફેસબુકના સીઇઓ માર્ક ઝુકરબર્ગ 110 અરબ ડોલરની વેલ્થ સાથે પાંચમાં ક્રમાંકે છે. વોરન બફેટ 95.9 અરબ ડોલરની નેટવર્થ સાથે છઠ્ઠા ક્ર્માંકે રહ્યા છે.