બિઝનેસ / સરકારની યોજનાઓ કાગળ પર? નાના અને મધ્યમ ઉદ્યોગો માટે 625 કરોડ ફાળવ્યા પણ લાભ માત્ર આટલા રૂપિયાનો

ગયા નવેમ્બરમાં એનાઉન્સ થયેલી આ સ્કીમનું નામ ઇન્ટરેસ્ટ સબવેન્શન સ્કીમ છે. જે ઇન્ક્રીમેન્ટલ, ફ્રેશ ટર્મ અને વર્કિંગ કેપિટલ લોન્સ ઉપર 2% સબસીડી આપે છે. આ માટે સરકારે ગયા નાણાકીય વર્ષમાં 275 કરોડ અને આ નાણાકીય વર્ષમાં 350 કરોડ ફાળવ્યા હતા. 

કેવી રીતે આ યોજનાનો લાભ લઈ શકે છે?

1. GST નંબર ધરાવતી MSMEs આ યોજનાનો લાભ લઇ શકે છે. 
2. નવેમ્બર 2018 થી માર્ચ 2019 વચ્ચે લેવાયેલ લોન્સ ઉપર આ લાભ મળી શકે છે.
3. 1 કરોડ મહત્તમનું સુધીનું વળતર મળે છે.
4. એક્સપોર્ટ સબસીડી અને અન્ય રાજ્ય કે કેન્દ્રની યોજનાનો લાભ મેળવતા વેપારીઓ આ યોજનાનો લાભ નહિ મેળવી શકે.

નોંધનીય છે કે નોટબંધી અને GST લાગુ થયા પછી MSMEsના વેપારીઓએ સરકાર સામે આક્રોશ વ્યક્ત કર્યો હતો. આ સ્કીમ લોકસભાની ચૂંટણી પહેલા તેમને રીઝવવાનું એક પગલું ગણી શકાય તેમ હતી પણ તેની વિચિત્ર શરતોને કારણે નાના વેપારીઓ સુધી તેનો લાભ પહોંચી શક્યો નથી. 

બિલો પેમેન્ટમાં રીફંડના કારણે વેપારીઓ મુશ્કેલીમાં ફસાયા છે

દેશમાં ચાલી રહેલા ઇકોનોમિક સ્લોડાઉનના પગલે વેપારીઓ ખરીદ કરનારના પેમેન્ટના વિલંબથી પરેશાન થયા છે. આ પરેશાનીમાં ખાનગી અને સરકારી એમ બંને કંપનીઓ ફસાઈ છે. 

આ માટે સરકાર દ્વારા ટ્રેડ ઇકોનોમિક રિસીવેબલ ડિસ્કાઉન્ટ સિસ્ટમ લાગુ કરવાની ચર્ચા છેલ્લા દોઢ વર્ષથી ચાલી રહી છે. આ માળખું જો લાગુ કરવામાં આવે તો પેમેન્ટની માહિતી ઉપરાંત MSMEsને સરળતાથી લોન મળી રહે તેમ છે. 

નોંધનીય છે કે કાયદાકીય રીતે MSMEsને મોડું પેમેન્ટ કરવા બદલ ભારે દંડની જોગવાઈ છે પરંતુ આ કાયદાઓનું અમલીકરણ થવામાં ઢીલ મુકાય છે.