ટીમ ઇન્ડિયા અને સાઉથ આફ્રિકા વચ્ચે 3 ટેસ્ટ મેચની સીરિઝ રમાઇ રહી છે. જેની અંતિમ એટલે કે ત્રીજી ટેસ્ટ 19 ઓક્ટોબરના ટીમ ઇન્ડિયાના પૂર્વ કેપ્ટન માહીના ગઢ એટલે કે રાંચીમાં રમાવવા જઇ રહી છે.
ટીમ ઇન્ડિયા અને સાઉથ આફ્રિકા વચ્ચે રમાઇ રહી છે ટેસ્ટ સીરિઝ
ટેસ્ટ સીરિઝની અંતિમ મેચ 19 ઓક્ટોબરના રમાશે
મહેન્દ્ર સિંહ ધોનીના હોમગ્રાઉન્ડ એટલે કે રાંચીમાં રમાશે ટેસ્ટ સીરિઝની છેલ્લી મેચ
વિરાટ સેનાએ વિશાખાટ્ટનમ અને પૂના ટેસ્ટને જીતીને સીરિઝ તો પોતાના નામે જ કરી દીધી છે. ટીમ ઇન્ડિયાના કેપ્ટન વિરાટ કોહલી હાલમાં શાનદાર ફોર્મમાં છે અને પોતાની કમાલની કેપ્ટન્સીની સાથે સાથે બેટિંગ પણ સારી રીતે કરી રહ્યો છે, પરંતુ શું વિરાટ ટીમ ઇન્ડિયાના પૂર્વ ટેસ્ટ કેપ્ટન મહેન્દ્ર સિંહ ધોનીના અનોખા રેકોર્ડથી પાછળ છે, શું કેપ્ટન કોહલી ધોનીનો આ રેકોર્ડ તોડી શકશે?
એમ.એસ.ધોનીએ ક્રિકેટના તમામ ફોર્મેટ (ટેસ્ટ, વનડે અને T-20) માં સારા ફોર્મ બતાવ્યુ છે. ટેસ્ટ ક્રિકેટમાં ટીમ ઇન્ડિયાને ઘણી આગળ પહોંચાડી છે. ટેસ્ટ ક્રિકેટમાં કેપ્ટન તરીકે માહી સફળ રહ્યો અને એક કમાલનો રેકોર્ડ પણ પોતાના નામે દાખલ કર્યો છે. ટેસ્ટ કેપ્ટન તરીકે ધોની કોઇ પણ એક ટેસ્ટ મેચમાં એક દિવસમાં સૌથી વધારે રન કરનારો ખેલાડી છે. ધોનીએ આ રેકોર્ડ 2013માં ચેન્નાઇના ગ્રાઉન્ડ પર ઓસ્ટ્રેલિયાના વિરુદ્ઘ કર્યો હતો.
આ ટેસ્ટ મેચમાં એક દિવસમાં એમ.એસ.ધોનીએ 206 રન કર્યા હતા, તો આ મામલામાં બીજા નંબર પર વિરાટ કોહલી છે. વિરાટ કોહલીએ કેપ્ટન તરીકે ટેસ્ટ ક્રિકેટમાં એક દિવસમાં 191 રન કર્યા હતા. ચેન્નાઇમાં થયેલી આ ટેસ્ટ મેચ ધોનીએ ટેસ્ટ કરિયરની સૌથી શાનદર ઇનિંગ રમી અને 224 રન કર્યા. આ ધોનીના ટેસ્ટ ક્રિકેટની એકમાત્ર ડબલ સેન્ચુરી છે.
એમ.એસ.ધોનીએ 90 ટેસ્ટ મેચમાં 38.09ની એવરેજથી 4976 રન કર્યા હતા અને તેમાં 6 સેન્ચુરી પોતાના નામે કરી. તો ટેસ્ટમાં 256 કેચ અને 38 સ્ટમ્પ પણ તેના નામે છે. એમ.એસ.ધોનીએ કેપ્ટન તરીકે 60 મેચમાં કેપ્ટન્સી કરી હતી અને કુલ 27 મેચમાં ટીમ ઇન્ડિયાને જીત અપાવી હતી.