વડોદરાના આજવા રોડ પર માતા-પુત્રીની હત્યા મામલે પોલીસે આરોપીની ધરપકડ કરી છે. ત્યારે હવે પોલીસ આરોપી પ્રિયકાન્ત સોલંકીને લઈને ઘટના સ્થળે પહોંચી હતી.
પોલીસે આરોપીને સાથે લઈને મકાનમાં હત્યાનું રિકન્સ્ટ્રક્શન કરાયું હતુ. ડીસીપી સહિતનો પોલીસનો કાફલો મોટી સંખ્યામાં પહોંચ્યો હતો. ત્યારે અહીં સ્થાનિકો ઉગ્ર બન્યા હતા.
માથાભારે પ્રિયકાન્ત સોલંકી સામે લોકોમાં રોષ જોવા મળ્યો હતો. સ્થાનિક મહિલાઓ ડંડા લઈને ઘરની બહાર નિકળી હતી. આ દરમિયાન કોઈ અનિચ્છનીય બનાવ ન બને તે માટે પોલીસે સ્થાનિકોને સમજાવવાનો પ્રયાસ કર્યો હતો.
અત્રે ઉલ્લેખનીય છે કે પ્રેમિકા અને તેની માતાની હત્યા કરીને પ્રિયકાન્ત સોલંકી ભાગી ગયો હતો. પ્રાથમિક માહિતી અનુસાર, પરિણીત પ્રેમિકાએ લગ્ન માટે ના પાડી દેતા મારી નહીં તો કોઇની નહીં તેવો નિર્ણય કરી હત્યા કરવાનો તખ્તો તૈયાર કર્યો હતો. પ્રેમિકાની સાથે તેની માતાની પણ હત્યા કરી દીધી હતી.