દ્વારકા / મોટા આસોટા ગામમાં મેઘતાંડવ બાદ પાણી ઓસર્યા, ધસમસતા પાણીમાં કાર તણાઇ, જુઓ Video

દ્વારકામાં વિરામ બાદ ફરી એકવાર મેઘરાજાનું આગમન થયું છે. ત્યારે દ્વારકા જિલ્લાના મોટા આસોટા ગામમાં આભ ફાટ્યું છે. મોટા આસોટા ગામમાં 3 કલાકમાં 13 ઇંચ જેટલો વરસાદ પડતા ગામમાં ચારેય બાજુ પાણી ફરી વળ્યા હતા. ગામમાં કેડ સમા પાણી ભરાઇ ગયા હતા. લોકોના ઘરમાં અને દૂકાનોમાં પાણી ઘૂસા ગયા હતા. તો ખેતરોમાં પણ પાણી ફરી વળતા લોકોને હાલાકી પડી રહી છે.

પાણીમા કાર તણાયનો વિડીયો આવ્યો સામે

દ્વારકાના મોટા આસોટામાં કાર તણાયાનો વિડીયો સામે આવ્યો છે. મોટા આસોટામાં સવારથી ધોધમાર વરસાદ પડી રહ્યો છે. ભારે વરસાદથી ગામ જળાશયમાં ફેરવાયું છે. ત્યારે પાણીમા કાર તણાયનો વિડીયો સામે આવ્યો છે. દ્રશ્યોમાં જોઈ શકાય છે કે, કેવી રીતે કાર પાણીમાં તણાઈ રહી છે. પાણીના વહેણમાં કાર એકદમથી આગળ ધસી રહી છે. જોકે, સદનસીબે કારમાં કોઈ સવાર નથી.

દ્વારકા મોટા આસોટા ગામે પાણી ઓસર્યા 

દ્વારકા મોટા આસોટાના ગ્રામજનો કંઈપણ વિચારે તે પૂર્વે જ વરસાદી પાણી ગામમાં ફેલાઈ ગયા હતા. જોકે હવે આ ગામમાં ભરાયેલા પાણી ઓસર્યા છે. પાણી ઓસરતા જનજીવન સામાન્ય બન્યું છે. આપને જણાવી દઈએ કે, 13 ઇંચ વરસાદ ખાબકતા ગામ બેટમાં ફેરવાયું હતું. ત્યારે હવે પાણી ઓસરતા ગ્રામજનોએ સફાઈ કામગીરી હાથ ધરી છે. અગાઉ ભારે વરસાદને પગલે ગામમાં દિવાલો ધરાશાયી થઇ હતી. જેને લઈને દિવાલો નીચે હજુ પણ વાહનો દબાયેલા છે. તો ભારે વરસાદના કારણે ખેતરો પણ ધોવાયા છે.

3 કલાકમાં 13 ઇંચ વરસાદ ખાબક્યો હતો

દ્વારકા જિલ્લો જ્યાં લોકો વરસાદ માટે તરસી રહ્યા હતા. ખેડૂતો ચિંતાતૂર થયા હતા. તે જ સુક્કી ભઠ દ્વારકાની ભૂમિ પર ધસમસતા નીર વહેતા થયા હતા. દ્વારકા જિલ્લામાં આવેલા આસોટા ગામમાં આભ ફાટતાં 13 ઈંચ જેટલો વરસાદ પડ્યો હતો. ધોધમાર વરસાદથી ગામ આખું બેટમાં ફેરવાઈ ગયું હતું. લોકો પોતાના ઘર પર ચડી ગયા હતા, ઘરમાં પાણી ઘુસી ગયા હતા. લોકોની ઘરવખળી પલળી ગઈ, ગામના મુખ્ય માર્ગો જે નદી બની ગયા હતા. ગ્રામજનો પણ અચંબામાં પડી ગયા હતા. જ્યાં લોકો પાણી માટે તરસતા હતા ત્યાં આખરે આટલું પાણી ક્યાંથી આવી ગયું. ગ્રામજનો કોઈ ધાબા પર ચઢી ગયા તો કોઈ ઉંચાણવાળા વિસ્તારમાં પર ચઢી ગયા હતા. તમામ લોકો ગામમાંથી વહેતા નીર નીહાળ્યા હતા.