Piaggio ઈન્ડિયાએ ભારતમાં પોતાના Vespa Notte 125 સ્કૂટરનું BS6 મોડલ લોન્ચ કર્યું છે. BS4 મોડલની સરખામણીમાં આની કિંમત 17 હજાર રૂપિયા વધુ છે. સૌથી મોંઘા 125 સીસી સ્કૂટર્સમાંથી એક હોવા છતા પણ તે ઈટાલિયન બ્રાન્ડનું સૌથી સસ્તું સ્કૂટર છે. કંપનીના BS4 છતાં પણ તે ઈટાલિયન બ્રાન્ડનું સૌથી સ્કૂટર છે. કંપનીના BS4 વર્ઝનની કિંમત 72,030 રૂપિયા હતી.
એન્જિન છે ખાસ
બીએસ4ની સરખામણીએ BS6 મોડલમાં ફ્યૂઅલ ઈન્જેક્શન અને OBD
પોર્ટ ઉપરાંત કોઈ ખાસ ફેરફાર કરાયા નથી. સ્કૂટરમાં 125ccની સિંગલ સિલેન્ડર મોટર આપવામાં આવી છે, જે 9.8bhpનો પાવર અને 9.6 Nmનો ટોર્ક જનરેટ કરે છે. કંપનીના તમામ 125 સીસી વેસ્પા અને એપ્રિલિયા મોડલ્સમાં આટલા જ પાવરની મોટર આપવામાં આવે છે.
સ્કૂટરના ફીચર્સ
Vespa Notte 125ના બંને વ્હીલ્સમાં ડ્રમ બ્રેક આપવામાં આવી છે. ફ્રન્ટ ડ્રમ બ્રેક 149 mm અને રિયર ડ્રમ બ્રેક 140 mmની છે. આમાં ડિસ્ક બ્રેકનો ઓપ્શન નથી મળતો. આ સ્કૂટર પોતાની રેટ્રો-મોર્ડન સ્ટાઈલ માટે જાણીતું છે. આમાં રાઉન્ડ હેન્ડલેમ્પ, ટ્રેડિશિનલ રિયરવ્યૂ મિરર, પહોળી અને આરામદાયક સીટ અને શાનદાર ફ્લોરબોર્ડ મળે છે.
સ્કૂટરની કિંમત
એક રિપોર્ટ મુજબ, નવા વેસ્પા નોટે 125સીસીની કિંમત 91,864 રૂપિયા (એક્સ-શોરૂમ) રાખવામાં આવી છે. સ્કૂટરને પહેલાની જેમ જ ડાર્ક કલર સ્કીમમાં રાખવામાં આવ્યું છે. સ્કૂટરને ક્યાંય ક્રોમ ફિનિશ અપાયું નથી. ભારતમાં આ સ્કૂટરની ટક્કર હોન્ડા Grazia 125, ટીવીએસ Ntorq 125, સુઝુકી Burgum Street 125, સુઝુકી Access 125 અને એપ્રિલિયા SR 125 જેવા સ્કૂટર્સ સાથે રહે છે.