દેશની કીર્તિ / ભારતીયોની નસ-નસમાં દેશભક્તિ, હર ઘર તિરંગા હેઠળ 6 કરોડથી વધારે તિરંગાની સેલ્ફી અપલોડ કરાઈ

• કેન્દ્રનું હર ઘર તિરંગા અભિયાનને મળી મોટી સફળતા
• 6 કરોડથી વધારે લોકોએ તિરંગાની સેલ્ફી અપલોડ કરી
• કેન્દ્રીય સંસ્કૃતિ મંત્રાલયે આંકડો બહાર પાડ્યો
• સ્વતંત્રતા દિવસે 5 કરોડ લોકોએ તિરંગાની સેલ્ફી અપલોડ કરી 

કેન્દ્ર સરકારે આઝાદીનો અમૃત મહોત્સવની ઉજવણી માટે હર ઘર તિરંગા અભિયાન શરુ કર્યુ હતું. લોકોએ પણ આ અભિયાનને મન મૂકીને વધાવ્યું હતું. હર ઘર તિરંગા અભિયાન હેઠળ તિરંગાની કેટલી સેલ્ફી અપલોડ કરાઈ હતી તેના સરકારે આંકડા જાહેર કર્યાં છે. 
કેન્દ્રીય સંસ્કૃતિ મંત્રાલયે કહ્યું કે હર ઘર તિરંગા કેમ્પેઈન હેઠળ હર ઘર તિરંગા વેબસાઈટ પર 6 કરોડ કરતા પણ વધારે તિરંગાની સેલ્ફી અપલોડ કરાઈ છે. 

More than 6 crore selfies with Indian flag uploaded on 'Har Ghar Tiranga' website so far, says government, Union Culture Minister G Kishan Reddy asserts that entire nation has come together to make the campaign a success

— Press Trust of India (@PTI_News) August 16, 2022

હર ઘર તિરંગા માટે બનાવાઈ હતી વેબસાઈટ 
હર ઘર તિરંગા અભિયાન હેઠળ એક વેબસાઈટ બનાવાઈ હતી જેની પર સરકાર દ્વારા લોકોને તિરંગાની સેલ્ફી અપલોડ કરવાનું કહેવામાં આવ્યું હતું. લોકોએ પણ મન મૂકીને તિરંગાની સેલ્ફી અપલોડ કરી હતી. પીએમ મોદીએ પણ લોકોને તિરંગાની સેલ્ફી અપલોડ કરવાનું આહવાન કર્યું હતું.  

More than 6 crore Tiranga selfies uploaded on the Har Ghar Tiranga website under the #HarGharTiranga campaign: Ministry of Culture#IndiaAt75 pic.twitter.com/EQbUnhLYJV

— ANI (@ANI) August 16, 2022

તિરંગાની સેલ્ફી અપલોડ કરવામાં નેતાઓથી લઈને ખેલાડીઓમાં ક્રેઝ

સામાન્ય લોકો તો ઠીક પરંતુ રાજકારણીઓથી લઈને ખેલાડીઓ પણ તિરંગા સાથેની સેલ્ફી અપલોડ કરતા અટકી શક્યા નહોતા. ગૃહમંત્રી અમિત શાહે પોતે વેબસાઇટ પર તેની તસવીર અપલોડ કરી છે. આ સિવાય અમિતાભ બચ્ચન, સુપરસ્ટાર રજનીકાંત, અનુપમ ખેર, સચિન તેંડુલકર, રોહિત શર્મા, માનુષી છિલ્લર, સોનુ સૂદ, નીલ નીતિન મુકેશે પણ સેલ્ફી અપલોડ કરી છે. સેલેબ્સ સિવાય અનેક આમ આદમી પણ સેલ્ફી અપલોડ કરી રહ્યા છે.  અત્યાર સુધીમાં 6 કરોડથી વધુ લોકોએ તેમની સેલ્ફી અપલોડ કરી છે. સ્વતંત્રતા દિવસે જ સેલ્ફી અપલોડનો આંક 5 કરોડને પાર થઈ ગયો હતો.