ઘૃણાસ્પદ / અમદાવાદમાં બની લૉકડાઉનની સૌથી ઘૃણાસ્પદ ઘટના, 12 વર્ષની દીકરી પર સગા પિતાનું 15થી વધુ વખત દુષ્કર્મ

• એક સગા પિતાએ જ દિકરીને ચુંથી નાંખી
• ઘરમાં જ દીકરીઓ સુરક્ષીત ન હોવાનો કિસ્સો સામે આવ્યો
• પિતા- પુત્રીના સંબંધોને લજવો તો કિસ્સો વાડજમાં બન્યો

12 વર્ષની એન્જલ અમદાવાદના વાડજ વિસ્તારમાં તેના માતા પિતા અને સાથે રહેતી હતી. 20 માર્ચના રોજ તેની માતા ઉત્તર પ્રદેશ તેના ગામ કોઈ કામથી ગઈ હતી. એ બાદ લોકડાઉન થતાં એન્જલની માતા ત્યાં પોતાના ગામમાં જ ફસાઈ ગયા હતા. એન્જલ અને તેના પિતા જીવણ બન્ને અમદાવાદના ઘરે પુરાયા હતા. પિતાની એક જાણીતી કંપનીમાં વોચમેન તરીકેની નોકરી ચાલુ હતી. 

જીવણ રોજ નોકરીએ જતો અને 7 વાગે પાછો આવતો. દીકરી નાની હોઈ તેને રસોઈ બનાવતા નહોંતી આવડતી એટલે નોકરી પરથી પરત આવી જીવણ રોજ રસોઈ બનાવતો. જમી પરવારીને સૂઈ જવાનો તેને નિત્યક્રમ હતો. જોકે તેની અંદરનો રાક્ષસ જરુર જાગી ગયો હતો. તેણે 12 વર્ષની ફુલ જેવી સગી દીકરી પર દાનત બગાડી તેની સાથે દુષ્કર્મ કર્યુ. દીકરીએ તેનો વિરોધ કરતા તેને ધમકી આપી કે જો તું મારી વાત નહીં માને તો તને જમવાનું નહીં આપું અને  ઘરમાંથી કાઢી મુકીશ.

આતો બાળક હતું. બાકી નરાધમોએ એક ચોકલેટના બદલામાં બાળકોને પીંખી નાંખ્યા હોવાના કિસ્સા ક્યાં ઓછા છે. ડરના મારે એન્જલ બાપની વિકૃતીનો શિકાર બની. જીવણ છેલ્લા 15થી 20 દિવસથી આ કૃત્ય કરી રહ્યો હતો. એન્જલ સહન કરી રહી હતી. એન્જલ ઘરની બહાર બેઠી બેઠી રડી રહી હતી.  એન્જલને રડતા જોઈ તેના પડોશી બહેનને તેના રડવાનું કારણ પુછ્યું.  ગત દિવસે એન્જલની સહનશક્તીની સીમા તુટતા તેણે આખી વાત મહિલાને જણાવી હતી.

 મહિલાએ જાગૃત નાગરિક તરીકેની પોતાની ફરજ બજાવતા મહિલા હેલ્પલાઈન 181 અભયમની મદદ માંગી હતી. તેમની મદદ માટે કાઉન્સિલર રેન્જ્યુબેન  ઘટના સ્થળે પહોંચ્યા હતા. એન્જલ ખૂબ ડરેલી હતી. તેને ડર હતો તે તેને અને તેની મમ્મીને કંઈક થઈ જશે તો. રેન્જ્યુબેને તેનું કાઉન્સેલિંગ કરી તેને વાડજ પોલીસ સ્ટેશન લઈ ગયા હતા. જ્યાં  મહિલા પોલીસકર્મીઓ અને રેન્જયુબહેને કલાકો સુધી તેને સાંત્વના આપી હતી.  અંતે આ આખા મામલામાં પોલીસે પોક્સો હેઠળ દીકરીના પિતા સામે ફરિયાદ નોંધાયી.

(પાત્રોના નામ બદલેલ છે.)
સ્ટોરીઃ ધર્મિષ્ઠા પટેલ, અમદાવાદ