છબરડો / શું હવે કારમાં પણ હેલ્મેટ પહેરવું જરૂરી? મોરબી પોલીસ તંત્રે કારચાલકને હેલ્મેટ ન પહેરવાનો ફટકાર્યો દંડ

રાજ્ય સરકારે 15 ઓક્ટોબર સુધી આકરા દંડ ન ફટકારવાની જાહેરાત કરી છે. ત્યારે આ એક હાસ્યાસ્પદ અને ચોંકવનારી ઘટના સામે આવી છે. જેમાં તંત્રએ મોટો છબરડો કર્યો છે. મોરબીના મયંક દલસાણીયા કાર ચલાવતા હોવા છતાં તેમને હેલ્મેટ ન પહેરવાનો દંડ ફટકારવામાં આવ્યો છે.

મોરબી એ-ડિવિઝન ટ્રાફિક પોલીસે મયંક દલસાણીયાને ઇ-ચલાણ મોકલ્યું છે. જે ચલાણમાં એક કારની બાજુમાં એક બાઇકચાલક જોવા મળે છે. આ બાઇક ચાલકના બદલે પોલીસે કારના માલિકને હેલ્મેટનો દંડ ફટકારી દીધો છે. આ બનાવ મોરબી શહરેમાં ચર્ચાસ્પદ બન્યો છે.

બાઈકને બદલે કારને મેમો આપ્યો

મોરબીમાં ટ્રાફિક પોલીસે કારની બાજુમાં હેલ્મેટ વગર એક બાઈકચાલકને મેમો આપવાના બદલે કારના માલિકને હેલ્મેટનો મેમો આપી દીધો છે. રાજ્ય સરકારે ટ્રાફિક નિયમનના નવા મોટર વ્હિકલ એક્ટને લાગૂ કરવાની સમયમર્યાદા વધારો કરી 15 ઓક્ટોબર કરવામાં આવ્યો છે. આ પહેલા પણ અનેક છબરડાઓ સામે આવી ચૂક્યા છે.