કરચોરી / મોરબીની કોલસા પેઢીએ રૂ.130 કરોડની કરચોરી કરતા 4 ભાગીદારો સામે ફરિયાદ, શરૂ થયો તપાસનો ધમધમાટ

• ખાનગી કંપની પર 130.39 કરોડની ટેક્સ ચોરીની ફરિયાદ
• મોરબીની કોલ વ્યવસાયની પેઢી સામે ટેક્સ ચોરીની ફરિયાદ
• ક્યોરી ઓરેમીન લીમીટેડ સામે ટેક્સ ચોરીની ફરિયાદ

મોરબીના વેરા-વાણીજ્ય વિભાગના પુજાબેન આરોપીઓ ઇસુ નારંગ, ચંદુલાલ પટેલ, રૂદ્રરાજુ શાહ, યુનુશ સેરીફ સામે ફરિયાદ નોંધાવી હતી. મોરબી નેશનલ હાઇવે ઉપર સીરામીક પ્લાઝામાં શોપ નં. 13માં આરોપીઓએ વેટ કાયદા હેઠળ અને કેન્દ્રીય કાયદા હેઠળ નોંધણી કરાવી ઓરેમીન લીમીટેડ નામની કોલ (કોલસા)ની પેઢી શરૂ કરી હતી. કોલના ખરીદ-વેચાણનો વ્યવસાય કરતા હતા. આરોપીઓએ આ વ્યવસાયથી સરકારને ભરવાનો થતો સી.એસ.ટી. અને વેટ વેરો વર્ષ 2009-10થી વર્ષ 2016-17 સુધીનો કુલ રૂ.1,30,38,78,984નો કરોડનો સી.એસ.ટી. અને વેટ વેરો સરકારમા ભર્યો વેરો ન હતો. આ વેરો ન ભરીને સરકાર સાથે છેતરપીંડી તથા વિશ્વાસધાત કર્યો હતો. 

ખાનગી કંપની પર 130.39 કરોડની ટેક્સ ચોરીની ફરિયાદ

આ બનાવની ફરિયાદ પરથી પોલીસે ચારેય આરોપીઓ સામે ગુજરાત મુલ્ય વર્ધી વેરા અધિનયમ-2003ની કલમ હેઠળ ગુનો નોંધી વધુ તપાસ હાથ ધરી હતી. સીએસટી અને વેટ ચોરી મામલે ડીવાયએસપી રાધિકા ભારાઇ અને બી ડિવિજન પીઆઇ કોઢિયાએ જણાવ્યું હતું કે, ચારેય આરોપીઓએ મોરબીમાં પેઢી ખોલીને રૂ.130 કરોડનો ટેક્સ ન ભરીને સરકારી તિજોરીને નુકશાન પહોંચડાયું હતું. તે અંગે પોલીસ તપાસ ચાલવી રહી છે. 

આ વેટ ચોરીના કૌભાંડના મૂળ સુધી પહોંચવાની કવાયત હાથ ધરાશેઃ પોલીસ અધિકારી

વધુમાં તેમણે જણાવ્યું હતું કે, હાલ આ ટેક્સ ચોરી મામલે જીએસટી વિભાગ પાસેથી તમામ દસ્તાવેજી પુરાવા એકત્ર કરાશે. એના આધારે આ વેટ ચોરીના કૌભાંડના મૂળ સુધી પહોંચવાની કવાયત હાથ ધરશે. આ પેઢી ક્યાં સમયથી મોરબીમાં ચાલતી હતી ? એ પઢીના ક્યારે ઉઠામણા થયા? ક્યાં નામે રજીસ્ટર હતી ? બેકનું ટ્રાજેક્શન સહિતના તમામ દસ્તાવેજી પુરાવા વેટ અધિકારી પાસેથી પોલીસે મંગાવ્યા છે. તેમજ વેટ અધિકારીને સાથે રાખીને તપાસ કરાશે. ચારેય આરોપીઓ ભાગીદાર હોઈ કેવી રીતે કૌભાંડ કર્યું તેમજ સીફોર્મ દ્વારા કે અન્ય રીતે વેટ ચોરી કરી તે મુદ્દે તપાસ ચલાવવામાં આવશે.