દુઃખદ ઘટના / યૂપીના મુરાદાબાદમાં મંદિરમાં મહંતના મોતથી મચ્યો હાહાકાર, પરિજનોએ કહ્યું...

• યૂપીના મુરાદાબાદમાં મંદિરમાં વધુ એક મહંતનો મળ્યો મૃતદેહ
• સંદિગ્ધ સ્થિતિમાં મોત થયું હોવાની મળી જાણકારી
• પોલીસ કરી રહી છે ઘટનાની તપાસ

મંદિરના 2 વ્યક્તિઓ દ્વારા સૂચના મળતાં જ મહંતના સંબંધીઓ સ્થળ પર પહોંચ્યા. તેમનું કહેવું છે કે તેમનો ફોન રાતથી બંધ હતો. પોલિસ અધિકારીએ કહ્યું કે મહંતના શરીર પર કોઈ ઘાના નિશાન નથી. પોસ્ટમોર્ટમ રિપોર્ટના આધારે કાર્યવાહી કરાશે. 
 
સવારે 8 વાગે મળી પરિજનોને સૂચના
મુરાદાબાદમાં ગંગા પ્રદૂષણ મુક્તિ મોર્ચાના સંસ્થાપક અને મહંત રામદાસનો મૃતદેહ ગલશહીદ વિસ્તારના એક મંદિરમાં મળતા હાહાકાર મચ્યો છે. સૂચના મળતાં પોલીસે આસપાસના લોકોને પૂછપરછ કરી છે અને મૃતદેહને પોસ્ટમોર્ટમ માટે મોકલ્યો છે.  

थाना गलशहीद क्षेत्रान्तर्गत जनपद मुरादाबाद में संत रामदास जी की मृत्यु के सम्बंध में वरिष्ठ पुलिस अधीक्षक @moradabadpolice की बाइट। @Uppolice @dgpup @adgzonebareilly @digmoradabad @AmitKAnandIPS pic.twitter.com/zA2gvUnGAS

— MORADABAD POLICE (@moradabadpolice) October 17, 2020

નવરાત્રિના અવસરે આવ્યા હતા સંત

ઘટનાના સંબંધમાં એસએસપી મુરાદાબાદના પ્રભાકર ચૌધરીએ કહ્યું કે મહંત રામદાસ નવરાત્રિના અવસરે સાંજે મંદિર આવ્યા હતા અને 9 દિવસ સુદી મંદિરમાં રહીને વ્રત કરવાના હતા. તેમનો મૃતદેહ સવારે મળતાં પોલીસને જાણ કરાઈ. 
 
હિંદુ સંગઠનોએ કર્યો ચક્કાજામ
મુરાદાબાદમાં સંત અને ગંગા પ્રદૂષણ મુક્તિ મોર્ચાના સંસ્થાપક રામદાસની મંદિર પરિસરમાં સંદિગ્ધ સ્થિતિમાં મોત થતાં હિંદુ સંગંઠનો ગુસ્સામાં આવીને ચક્કાજામ કરી રહ્યા છે. મુરાદાબાદમાં હરિદ્વાર માર્ગ પર જામ કરીને લોકો રસ્તા પર બેઠા છે. 

મહંત પાસે હતા 3 ફોન, તમામ ગાયબ

મહંત સોશ્યલ મીડિયા પર સક્રિય રહેતા હતા. તેમની પાસે 3 મોબાઈલ હતા અને તે તમામ ફોન ગાયબ છે. તેમનું પર્સ ગાયબ છે. તેથી તે હત્યાનો મામલો ગણાઈ રહ્યો છે. તમામ ફોન બંધ આવી રહ્યા છે. તેમના નંબરથી તેમનો ડીપી પણ હટાવી દેવામાં આવ્યો છે. 
 
મહંતે એક અઠવાડિયા પહેલાં કરી હતી ફરિયાદ

રામદાસે અઠવાડિયા પહેલાં જ કહ્યું હતું કે મને જીવનું જોખમ છે. જો બીમારીથી મોત થયું હોય તો ફોન ગાયબ ન થાય અને તેમાંથી ડીપી પણમ ન હટે. રામદાસને મોબાઈલનો શોખ હતો. તેઓ દર 1-2 કલાકે ફેસબુક અપડેટ કરતાં. પોસ્ટમોર્ટમ રિપોર્ટ હજુ આવ્યો નથી પણ જે થયું તે ખૂબ નિંદનીય છે.