વરસાદ / ચોમાસુ આવી ગયું, મેઘરાજાએ બોલાવી અહીં ધડબડાટી, આ વખતે 101 ટકા વરસાદનું અનુમાન

• કેરળમાં સત્તાવાર ચોમાસાની શરૂઆત 
• છેલ્લા ચાર દિવસથી કેરળમાં વરસાદ 
• ગુજરાતમાં 20મી જૂને ચોમાસાની એન્ટ્રી 

ચોમાસાએ ગુરુવારે કેરળમાં એન્ટ્રી મારી દીધી છે, હવામાન ખાતા દ્વારા પણ સત્તાવાર ચોમાસાના શરૂઆતની જાહેરાત કરવામાં આવી છે. જોકે આ વખતે ચોમાસું બે દિવસ મોડું કેરળ પહોંચ્યું છે ત્યારે હવામાન ખાતાની આગાહી અનુસાર આ વર્ષે ચોમાસું સામાન્ય રહેશે. 

કેરળમાં ચાર દિવસથી વરસાદ
કેરળમાં છેલ્લા ચાર દિવસથી પ્રિ-મોન્સૂન વરસાદ વરસી રહ્યો હતો અને આજથી ચોમાસાની શરૂઆત થઈ હોવાનું જાહેર કરવામાં આવ્યું છે. ભારતના હવામાન ખાતાનું માબવું છે કે કેરળમાં વરસાદના વિતરણમાં વધારો થયો છે અને દક્ષિણ સાગરના નીચલા ઇલાકામાં હવાઓ ચાલી રહી છે. 

ગુજરાતમાં 20 જૂને ચોમાસાની શરૂઆત
કેરળમાં વરસાદના આગમન વાદ હવે ધીમે ધીમે વરસાદ દક્ષિણથી ઉત્તર તરફ આગળ વધશે. કેરળ થઈને વરસાદ મહારાષ્ટ્રમાં દસમી જૂને પહોંચશે જ્યારે ગુજરાતમાં 20મી જૂને વરસાદ એન્ટ્રી મારશે. આગાહી અનુસાર 30મી જૂન સુધી રાજસ્થાનમાં વરસાદ પહોંચે તેવી શક્યતા છે. 

આ વર્ષે ચોમાસુ સામાન્યથી વધુ સારૂ રહે તેવી શકયતા
ખેડૂતો માટે ખૂબ જ અગત્યની ઋતુ એટલે ચોમાસાને લઈને સારા સમાચાર સામે આવી રહ્યા છે. કોરોના વાયરસ મહામારીના કારણે ખેડૂતોનું ખૂબ નુકસાન થયું છે, તે બાદ વાવાઝોડું પણ ત્રાટક્યું જેમાં કેટલાય ખેડૂતો પાયમાલ બની ગયા. જોકે આ વર્ષે હવે ચોમાસું સારું જાય તેવી આગાહી હવામાન ખાતા દ્વારા વ્યક્ત કરવામાં આવી છે. આગાહી અનુસાર દેશમાં 101 ટકા જ્યારે ગુજરાતમાં 106% વરસાદ રહેશે. 

ચોમાસાને લઇ હવામાન વિભાગની આગાહી
હવામાન ખાતાના ડાયરેક્ટર મહાપાત્રએ કહ્યું કે અમને સારા ચોમાસાની આશા જેનાથી કૃષિ ક્ષેત્રને મદદ મળશે. દેશમાં સરેરાશ 101 ટકા વરસાદ થવાની આગાહી કરવામાં આવી છે.મહાપાત્રએ કહ્યું કે 40% સંભાવના સામન્ય વરસાદની છે, 22 ટકા સંભાવના સામાન્ય કરતાં અધિક તથા 12 ટકા સંભાવના છે કે અત્યાધિક વરસાદ થશે. આ સાથે 18% સંભાવના છે કે સામાન્ય કરતાં ઓછો વરસાદ પડશે. 

ક્યાં કેટલો વરસાદ પડશે

• દેશમાં 101 ટકા વરસાદની સંભાવના
• ઉત્તર-પશ્ચિમ ભારતમાં 98થી 108 ટકા
• મધ્ય ભારતમાં 106 ટકાથી વધારે
• દક્ષિણ ભારતમાં 93થી 107 ટકા
• ઉત્તર-પૂર્વ ભારતમાં 95 ટકાથી ઓછો