વરસાદની સીઝન અને સંક્રમણને ખાસ સંબંધ છે. આ સમયે તમે તમારી આંખોની સંભાળ રાખો તે જરૂરી છે. નહીં તો તમારા આંખના વિઝનને તકલીફ થવાના ચાન્સ રહે છે.
વરસાદની સીઝનમાં વધે છે ઈન્ફેક્શનની સમસ્યા
આંખના ઈન્ફેક્શનથી બચવા અપનાવો આ ઉપાયો
આંખના સંક્રમણથી વિઝન પર થાય છે અસર
વરસાદની સીઝનમાં સંક્રમણના વધવાનો ખતરો વધારે જ રહે છે. આ સંક્રમણ કોઈ પણ પ્રકારનું હોઈ શકે છે. સંક્રમણના કારણે હેલ્થ પર માઠી અસર જોવા મળે છે. ચોમાસાની સીઝન આવે એટલે ખાસ કરીને પેટની સાથે આંખની બીમારીઓ પણ વધી જાય છે. આંખમાં સંક્રમણ થવા લાગે છે અને તેનાથી તમારા વિઝન પર પણ અસર થાય છે. જો તમે આ 6 ટિપ્સનું ધ્યાન રાખી લો છો તો તમે ખતરાને ઓછો કરી શકો છો. તો જાણો ખાસ ટિપ્સ અને કરો ટ્રાય.
1. દિવસના સમયે આંખોની સફાઈનું ખાસ ધ્યાન રાખો. તેના માટે સવાર અને સાંજના સમયે આંખને ઠંડા પાણીથી સાફ કરો અને ધોતા રહો. કોઈ પણ પ્રકારની ગંદગી આંખમા ન રહે તેનું ધ્યાન રાખો.
2. યોગ્ય પ્રમાણમાં ઊંઘ લો તે પણ જરૂરી છે. તેનાથી તમારી આંખનો થાક દૂર થશે. શરીર કરતા આંખ વધારે કામ કરે છે અને તેને આરામ આપવો જરૂરી છે.
3. ઠંડી હવા, ધૂળના રજકણો, ધુમાડો વગેરેથી આંખને બચાવવી પણ જરૂરી છે. તેના માટે કોઈ પણ એવા સ્થાનથી પસાર થાઓ તો આંખને ચશ્માથી કવર કરી લો જેથી આંખમાં કચરો ન જાય અને તેને નુકસાન ન થાય.
4. આંખમાં કોઈ પણ પ્રકારની અસહજતા, લાલાશ કે ખંજવાળ આવે તો તરત જ આંખના ડોક્ટરને બતાવો અને તેમની સલાહ લો તે જરૂરી છે.
5. કોસ્મેટિક એટલે કે સૌંદર્ય પ્રસાધન પણ ક્યારેક આંખમાં ઈન્ફેક્શન લાવી શકે છે. આ સમયે તમે તેનો ઉપયોગ કરતી સમયે સાવધાની રાખી લો અને કોઈના દ્વારા ઉપયોગમાં લેવાયેલી કાજલનો ઉપયોગ કરવાનું ટાળો.
6.કમ્પ્યુટર સ્ક્રીન, મોબાઈલ, લેપટોપ પર કામ કરતી સમયે થોડી વારે બ્રેક લો જેથી તમારી આંખ પર સ્ટ્રેસ ન પડે.