ગુરુવારે, ભારત સરકારે વિઝા નિયમોમાં છૂટછાટ આપી હતી અને વિદેશમાં વસતા ભારતીયો અને ભારતીય નાગરિકો અને વિદેશી નાગરિકોને ભારત આવવાની મંજૂરી આપી હતી, જો કે, તેમાં એક શરત મૂકવામાં આવી છે જે પ્રમાણે આ નાગરિકોમાંથી કોઈ પણ પ્રવાસી વિઝા પર ભારત નહિ આવી શકે.
કોરોના વાયરસ મહામારી વચ્ચે વિઝા નિયમોના પ્રતિબંધોમાં થોડી છૂટછાટ આપવામાં આવી છે. ગુરુવારે, ભારત સરકારે વિઝા નિયમોમાં છૂટછાટ આપી હતી અને વિદેશમાં વસતા ભારતીયો અને ભારતીય અને વિદેશી મૂળના નાગરિકોને ભારત આવવાની મંજૂરી આપી હતી, જો કે સરકારે આ નાગરિકો ટૂરિસ્ટ વિઝા પર ભારત પ્રવાસ કરી શકશે નહીં તેવી શરત તેમાં મૂકી છે.
તમામ વિઝાની વૈધતાને ફરીથી માન્યતા અપાઈ
હવાઈ મુસાફરીને ફરીથી ટ્રેક પર લાવવાના પગલાં તરીકે ભારત સરકારે ગુરુવારે હાલના તમામ વિઝાની માન્યતા પુન:સ્થાપિત કરી હતી. સરકારના તાજેતરના આદેશમાં જણાવાયું છે, "સરકારે વિદેશી નાગરિકો અને ભારતીય નાગરિકોની વધુ કેટેગરી માટે વિઝા અને મુસાફરીમાં ધીમે ધીમે છૂટ આપવાનું નક્કી કર્યું છે." જો આ કેટેગરીમાં આવતા મુસાફરોને મેડિકલ વિઝા જોઈએ તો તેમણે નવેસરથી અરજી પ્રક્રિયા કરવી પડશે.
Under this graded relaxation, Government to restore with immediate effect all existing visas (except electronic visa, Tourist Visa & Medical Visa). Foreign nationals intending to visit India for medical treatment can apply for a Medical Visa including for medical attendants: MHA https://t.co/pusOKpPz2g
આદેશ મુજબ સરકારે ઓવરસીઝ સિટીઝન ઓફ ઈન્ડિયા OCI અને પર્સન ઓફ ઈન્ડિયન ઓરિજિન PIO કાર્ડ ધારકોને અને ટૂરિસ્ટ વિઝા સિવાય અન્યને અધિકૃત એરપોર્ટ્સ અને બંદર ઇમિગ્રેશન ચેકપોઇન્ટ્સ દ્વારા હવાઈ અથવા જળ માર્ગો પર પ્રવેશવાની મંજૂરી આપી છે.
વિદેશી પ્રવાસીઓ ભારત આવી શકશે
તમામ વિદેશી નાગરિકોને કોઈપણ હેતુસર ભારત આવવા દેવાનો નિર્ણય લેવામાં આવ્યો છે. આમાં વંદે ભારત મિશન દ્વારા સંચાલિત ફ્લાઇટ્સ, બબલ હવાઈ પરિવહન કરારની ગોઠવણી હેઠળ અથવા નાગરિક ઉડ્ડયન મંત્રાલય દ્વારા પરવાનગી મુજબ, કોઈપણ બિન-સુનિશ્ચિત વ્યાપારી ફ્લાઇટ્સ સામેલ છે.
ભારત સરકારે શરૂઆતમાં ફેબ્રુઆરી 2020 માં COVID-19 રોગચાળાને કારણે વિમાન મુસાફરીના આવવા જવા પર પ્રતિબંધ મૂક્યો હતો. જો કે આવા તમામ મુસાફરોએ આરોગ્ય અને પરિવાર કલ્યાણ મંત્રાલયની સોશિયલ ડીસ્ટેન્સિંગ અને અન્ય COVID-19 ગાઈડલાઈન્સ બાબતો અંગેના માર્ગદર્શિકાનું કડક પાલન કરવું પડશે.