ખુશખબર / ના હોય : હવે દર 6 મહિને વધશે પગાર, 3 કરોડ લોકોને થશે ફાયદો

• મોંઘવારી સામે લડવા માટે મોદી સરકારનો નવો પ્લાન 
• ઇન્ડસ્ટ્રીયલ સેકટરમાં કામ કરતા લગભગ 3 કરોડ કર્મચારીઓનું વેતન દર 6 મહીને વધશે
• ગયા મહિને 27 તારીખે શ્રમ અને રોજગાર સલાહકાર બી એન નંદાની આગેવાનીમાં બેઠક મળી હતી

મોદી સરકારે મોંઘવારીથી લડવા માટે એક પ્લાન તૈયાર કર્યો છે. આ પ્લાન હેઠળ વધતી મોંઘવારીનાં બોજને ઓછો કરવા માટે મોંઘવારી સૂચકઆંક પ્રમાણે વેતન વધારો આપવામાં આવશે. નવા નિયમ અનુસાર ઇન્ડસ્ટ્રીયલ સેકટરમાં કામ કરતા લગભગ 3 કરોડ કર્મચારીઓનું વેતન દર 6 મહીને વધશે. આ નિર્ણયથી કર્મચારીઓ મોંઘવારીની અસર ઓછી થવાની સંભાવના છે. 

બિઝનેસ સ્ટેન્ડર્ડનાં અહેવાલ અનુસાર એક ઉચ્ચ સ્તરીય સમિતિએ ઇન્ડસ્ટ્રીયલ સેકટરમાં કામ કરતા કર્મચારીઓ માટે ઉપભોક્તા મૂલ્ય સૂચકઆંકનાં આધાર નક્કી કર્યા છે જે સીધા જ મોંઘવારી સૂચકાંક સાથે જોડાયેલા હશે. 

ગયા મહિને 27 તારીખે શ્રમ અને રોજગાર સલાહકાર બી એન નંદાની આગેવાનીમાં બેઠક મળી હતી. આં બેઠકમાં ઇન્ડસ્ટ્રીયલ સેકટરના કર્મચારીઓ માટે એક નવી સીરીઝ હેઠળ ઉપભોક્તા મૂલ્ય સૂચકઆંકને મંજૂરી આપવામાં આવી. વર્ષ 2016ને આધાર વર્ષ માનવામાં આવશે. મોદી સરકારનાં આ નિર્ણયથી ઇન્ડસ્ટ્રીયલ સેકટરના 3 કરોડ કર્મચારીઓને ફાયદો થશે. અત્યારે કેન્દ્ર સરકાર અને પ્રાઈવેટ ક્ષેત્રનાં કર્મચારીઓ માટે મોંઘવારી ભથ્થું દર 6 મહિને આંકવામાં આવે છે.