દેશમાં કોરોનાના વધતા જતા કેસો વચ્ચે રાયપુરના ઓલ ઇન્ડિયા ઇન્સ્ટિટ્યૂટ ઓફ મેડિકલ સાયન્સિસ (એઈમ્સ) ના ડોકટરો કહે છે કે હોસ્પિટલોમાં મોબાઈલ ફોનના ઉપયોગ પર પ્રતિબંધ મૂકવો જોઇએ કારણ કે આ ઉપકરણો વાયરસના વાહક હોઈ શકે છે અને આરોગ્ય કર્મચારીઓને ચેપ લગાવી શકે છે. એઇમ્સના ડોકટરોએ જણાવ્યું છે કે મોબાઇલ ફોનની સપાટી એ એક વધુ જોખમવાળી સપાટી છે જે ચહેરા અથવા મોં સાથે સીધા સંપર્કમાં આવે છે.
15 મિનિટથી બે કલાક સુધી મોબાઇલનો ઉપયોગ
તેમણે એમ પણ કહ્યું કે એક અભ્યાસ મુજબ આરોગ્ય કર્મચારીઓ 15 મિનિટથી બે કલાકમાં તેમના ફોનનો ઉપયોગ કરે છે. વર્લ્ડ હેલ્થ ઓર્ગેનાઇઝેશન (WHO) અને સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) જેવા વિવિધ આરોગ્ય સંગઠનોએ ઘણી મહત્વપૂર્ણ માર્ગદર્શિકાઓ આપેલી છે જેમાં રોગ નિવારણ અને નિયંત્રણ માટેના પગલાં શામેલ છે.
મોબાઈલથી ચેપ લાગવાનું વધુ જોખમ
આરોગ્ય કેન્દ્રોમાં ફોનનો ઉપયોગ અન્ય કર્મચારીઓ સાથે સંપર્કમાં રહેવા અને વાતચીત કરવા માટે કરવામાં આવે છે. નિષ્ણાતોના મતે આરોગ્ય માટે ચહેરા, નાક અને આંખો સાથે સીધો સંપર્ક હોવાને કારણે મોબાઇલ ફોન માસ્ક, કેપ અને ચશ્મા પછી બીજા ક્રમે સૌથી જોખમી છે. જો કે અન્ય ત્રણની જેમ મોબાઇલને ધોઈ શકાતો નથી, તેથી તેનાથી ચેપ લાગવાનું જોખમ વધારે છે.
માત્ર 10 ટકા લોકો જ મોબાઇલ સાફ કરે છે
હોસ્પિટલોમાં સ્વચ્છતા સાથે મોબાઇલ ફોન્સનો યોગ્ય ઉપયોગ એ સમયની જરૂરિયાત છે. ભારતમાં થયેલા એક અધ્યયનમાં જાણવા મળ્યું છે કે ઉચ્ચ વિશેષતાવાળી હોસ્પિટલોમાં તમામ 100 ટકા આરોગ્ય કર્મચારીઓ હોસ્પિટલોમાં મોબાઈલ ફોનનો ઉપયોગ કરે છે, પરંતુ તેમાંથી માત્ર 10 ટકા લોકો જ મોબાઈલ સાફ કરે છે. એવું યાદ રાખવું જરૂરી છે કે તમારો ફોન તમારા હાથનો જ એક ભાગ બની ગયો છે, તેથી યાદ રાખો કે તમારા ફોનમાં જે છે તે તમારા હાથ ઉપર ટ્રાન્સફર થઇ જશે.
સૌથી વધુ સ્પર્શ થતી સપાટી છે મોબાઈલ
આ રોગચાળા વચ્ચે બે મોટી મોબાઇલ ફોન કંપનીઓએ ગ્રાહકોને મદદ કરવા માર્ગદર્શિકા અપલોડ કરી છે, જેમાં જણાવ્યું છે કે 70 ટકા આઇસોપ્રોપીલ આલ્કોહોલ અથવા ક્લોરોક્સ જંતુનાશક વાઇપ્સનો ઉપયોગ ફોનને સ્વીચ ઓફ કરીને તેની બાહ્ય સપાટીને હળવાશથી સાફ કરવા માટે કરી શકાય છે. CDCના જણાવ્યા અનુસાર, મોબાઇલ ફોન, કાઉન્ટર્સ, ટેબલનો ઉપરનો ભાગ, ડોર નોબ્સ, શૌચાલયના નળ, કીબોર્ડ્સ, ટેબલેટ્સ વગેરે સૌથી વધારે સ્પર્શ થતી સપાટીઓ છે. ડોકટરોએ વાત કરતી વખતે ચહેરા પર મોબાઈલનો સીધો સ્પર્શ ન થાય તે માટે હેડફોનનો ઉપયોગ કરવાની ભલામણ કરાઈ છે. આ સાથે ICU અને ઓપરેશન થિયેટરો જેવા સ્થળોએ મોબાઇલ ફોનના ઉપયોગ પર પ્રતિબંધ મુકવાની ચર્ચા કરવામાં આવી છે. આ ઉપરાંત મોબાઈલ ફોન, હેડફોન અથવા ઈયરફોનને કોઈ સાથે શેર ન કરવાની અપીલ કરવામાં આવી છે.