મોબાઈલ ગ્રાહકો માટે સારા સમાચાર છે. હવેથી મોબાઈલ નેટવર્ક માત્ર 2 દિવસમાં બદલી શકાશે. એટલે કે પોર્ટિબિલીટીમાં જે 7 દિવસનો સમય લાગતો હતો તેના સ્થાને હવે માત્ર 2 દિવસમાં જ પોર્ટિબિલીટી કરી શકાશે. ટ્રાઈએ કહ્યું કે 4થી 10 નવેમ્બર વચ્ચે નંબર પોર્ટિબિલીટી નહીં થઈ શકે. હવે 11 નવેમ્બરથી મોબાઈલ નંબર પોર્ટિબીલીટી માટે અરજી કરી શકાશે.
મોબાઈલ નંબર પોર્ટેબિલિટીના નિયમો બદલાયા
7 દિવસના બદલે હવે 2 જ દિવસમાં થઈ શકશે નંબર પોર્ટ
11 નવેમ્બરથી લાગૂ થશે પોર્ટેબિલીટીની નવી વ્યવસ્થા
ટ્રાઈના મુજબ MNP સંશોધિત નિયમોને લાગૂ કરવાની સમય સીમા પણ વધારી દેવામાં આવી છે. MNP હેઠળ ગ્રાહક નંબર બદલ્યા વિના નેટવર્ક બદલી શકે છે. અને હવે પોર્ટિબિલીટી થવામાં માત્ર બે જ દિવસનો સમય લાગશે. જે પહેલા 7 દિવસનો લાગતો હતો. ટ્રાઈના અધિકારીએ જણાવ્યું છે કે હવેથી મોબાઈલ નંબરની પોર્ટેબિલીટીના આવેદનની પ્રક્રિયાને બે દિવસમાં પૂર્ણ કરી દેવામાં આવશે.
MNPના નિયમ
TRAIના નવા નિયમ મુજબ, કોઈ પણ કંપનીમાં નંબર પોર્ટ કરાવવા માટે હવે માત્ર 2 દિવસનો સમય લાગશે. જે પહેલાં 7 દિવસનો હતો.
આ કારણોથી યૂઝર્સ મોબાઈલ નંબર કરાવે છે પોર્ટ
TRAI અનુસાર યુઝર ઘણા કારણોસર નંબર પોર્ટ કરાવવાનો નિર્ણય કરતા હોય છે. ઘણી વખત કંપનીની સર્વિસ ખરાબ હોવાથી યુઝર અન્ય કંપનીમાં નંબર પોર્ટ કરાવે છે. તો કેટલીક વખત નોકરીમાં ટ્રાન્સફર અથવા અન્ય કારણોસર બીજા શહેરમાં શિફ્ટિંગ થવાથી યુઝર પોતાનો નંબર પોર્ટ કરાવતા હોય છે.