ડાંગઃ શ્રદ્ધા અને અંધશ્રદ્ધા વચ્ચે રહેલો સમાજ વિજ્ઞાન કરતા વધુ મહત્વ શ્રદ્ધા અથવા અંધશ્રદ્ધાને આપી રહ્યો છે. જ્યારે વિજ્ઞાન આ બંનેની મોજુદગી પર વેધક સવાલો ઉભા કરી રહ્યો છે ત્યારે જવાબદાર ગણાતા ડાંગ જિલ્લાના ધારાસભ્યએ વિજ્ઞાનને પડકાર કરી અંધશ્રદ્ધાને પ્રોત્સાહન આપતું નિવેદન કર્યું છે. ગતદિવસોમાં બાળકોનો ધુણવાનો મામલે ભગત ભુવાએ સારું કર્યાનું નિવેદને ખળભળાટ મચાવ્યો છે.
૧૭ દિવસ પેહેલા ડાંગ જિલ્લાના વઘઇ તાલુકામાં આવેલ આંબાપાડા ગામની શાળામાં ત્રણ વિદ્યાર્થીઓ શાળાના પ્રવેશ સાથે નાગદેવતા આવ્યા હોય એવી હરકત ચાલુ કરી હતી. જેને લઈને શિક્ષણકાર્ય પણ ઠપ થઇ ગયું હતું. સાથે શિક્ષણ વિભાગમાં ડરનો માહોલ ઉભો થયો હતો. જે સમગ્ર મામલો મેડિકલ સાયન્સથી સોલ ન થયાની બુમરાડ ધારાસભ્ય મંગળ ગાવિત કરી રહ્યા છે. સાથે અંધવિશ્વાસને પ્રોત્સાહન આપતું નિવેદન કરી વિવાદના વમળમાં ફસાયા છે.
તેમ છતાં ડાંગ વિસ્તારના પ્રકૃતિ પૂજકો ધારાસભ્યની વાતોને ટેકો આપી રહ્યા છે. ત્યારે અહીં સીધો પડકાર વિજ્ઞાનને ફેંક્યો છે અને વિજ્ઞાન સાચું હોય તો અહીંની બીજી અંતરિયાળ દંડકપડાંની શાળામાં બન્યો છે. અહીં પણ ૧૦ વિદ્યાર્થીઓ શાળામાં ધુણવાનો કિસ્સો બનતા મેડિકલ સાયન્સ સાજા કરી આપે એવી ચેલેન્જ આપી છે. સારું ન થયા પછી ભૂવાઓને બોલાવીને સાજું કરવાની ખાતરી મંગલ ગાવિતે આપી છે.
ડાંગના અંબાપાડા ગામની શાળામાં ૩ વિદ્યાર્થીઓનો ધુણવાનો મામલો શાંત પડ્યા બાદ દંડકપળા ગામની શાળામાં ફરી ૧૦ વિદ્યાર્થીઓ ફરી આવી ધુણવાની હરકતને લઈને અંધશ્રધાએ જોર પકડ્યું છે. સાથે જવાબદાર ગણાતા લોકનાયક પણ વિજ્ઞાનને માનવા તૈયાર થયા નથી. ત્યારે હવે શ્રદ્ધા અંધશ્રદ્ધા અને વિજ્ઞાનના જંગમાં કોનો વિજય થાય એવા વેધક સવાલો હરકોઈને કાને ગુંજી રહ્યા છે.