IPLIN
 

શૈક્ષણિક લાયકાત / GSSSBમાં લાયકાત ગ્રેજ્યુએટ અને લાખોનો પગાર મેળવતા ધારાસભ્ય બનવા માટેની લાયકાત કેટલી?

Team VTV 05:09 PM, 13 Oct 19
Follow us
MLA salary in Gujarat is just like class 1 officer and MLA education qualification

આજે GPSCની થોડીક નોકરીની સીટો માટે લાખો યુવાનોએ તનતોડ મહેનત કરીને પરીક્ષા આપી એટલુ જ નહીં પરંતુ ગૌણ પસંદગી સેવા મંડળના બિન સચિવાલયમાં ક્લાર્ક અને આસિસ્ટન્ટની જાહેર થયેલી પરીક્ષાઓ કેન્સલ થઈ છે અને ઉપરથી તેમાં લાયકાત પણ વધારી દેવામાં આવી છે. ત્યારે સોશિયલ મીડિયામાં અને વિદ્યાર્થીઓમાં પ્રશ્નો ઉઠાવાઈ રહ્યા છે કે MLA માટે પણ ભણતરની લાયકાત રાખોને?

  • 182 ધારાસભ્યોમાંથી કેટલુ ભણેલા છે ધારાસભ્યો
  • ધારાસભ્યો માટે પણ ભણતરની લાયકાત નક્કી કરોને?
  • ચુપચાપ વિધાનસભામાં પગાર વધારાનું બિલ પાસ કરી દીધુ હતુ

ગુજરાતમાં હાલ ધારાસભ્યોને 1.27 લાખ આસપાસનો પગાર મળે છે જેમાં તેમને તમામ ભથ્થા મળે છે. આ ક્લાસ વનના અધિકારીઓનો પગાર છે.  અને તેમના અભ્યાસની વિગતો જાણીને વધુ ધ્રાસકો લાગશે કારણ કે અભ્યાસમાં ધારસભ્યો GPSC અને UPC કે GSSSBના પરીક્ષાર્થીઓ કરતા પણ ઓછી છે. આજે યોજાએલી GPSCની પરીક્ષામાં લાખો વિદ્યાર્થી વર્ષોની દિવસરાતની તૈયારી કરીને બેઠા હતા પણ ધારાસભ્ય બનવા કોઈ શૈક્ષણિક લાયકાતની જરૂર નથી પડતી આ તે કેવી નવાઈની વાત કહેવાય?

182 ધારાસભ્યોમાંથી કેટલુ ભણેલા છે ધારાસભ્યો

  • 3 ધારાસભ્યો ડોક્ટરેટની પદવી મેળવી છે
  • 9 ધારાસભ્યોએ પોસ્ટ ગ્રેજ્યુએટ સુધીનું શિક્ષણ મેળવ્યુ છે.
  • 23 ધારાસભ્યોએ પ્રોફેશનલ ગ્રેજ્યુએશન કર્યુ છે. 
  • 34 ધારાસભ્યોઓ ગ્રેજ્યુએટ છે. 
  • 30 ધારાસભ્યો ધોરણ 12 પાસ છે. 
  • 44 ધારસભ્યોએ ધોરણ 10 જ પાસ છે. 
  • 15 ધારાસભ્યોએ તો માત્ર ધોરણ 8 પાસ છે
  • 7 ધારાસભ્યો માત્ર ધોરણ 5 જ પાસ છે. 
  • 7 ધારાસભ્યો તો ખાલી અક્ષરજ્ઞાન જ ધરાવે છે. 

કરોડપતિ ધારસભ્યો મેળવે છે લાખોમાં પગાર
ચૂંટાયેલા ધારાસભ્યોની સરેરાશ સંપત્તિ રૂા. 8.46 કરોડ છે. જેમાં સૌથી ઓછી સંપત્તિ એકમાત્ર જીગ્નેશ મેવાણી ધરાવે છે બાકી બધા લગભગ તમામ ધારાસભ્યો કરોડપતી છે એમ છતાં તેમને ક્લાસ વન અધિકારી જેટલો પગાર ચુકવવામાં આવે છે આ મામલે ભાજપ કોંગ્રેસ અને બીજા પક્ષની પણ મીલીભગત છે એક બાજુ મોંઘવારીએ માઝા મુકી છે ત્યારે આવો પગાર મેળવી રહ્યા છે અને મજા કરી રહ્યા છે. 

ચુપચાપ વિધાનસભામાં પગાર વધારાનું બિલ પાસ કરી દીધુ હતુ
ગયા વર્ષ સુધી ધારસભ્યોને રૂા. 70,727પગાર મળતો હતો જેને બદલે તેમને હવે રૂા. 1,16,314 પગાર મળે છે. એ સિવાય તેમના અંગત મદદનીશનો જે પગાર 3000 હતો તેને બદલે 20,000 કરી દેવાયો. ટેલિફોનનું બિલ 4,000ખી વધારીને 5,500 કરી દેવાયો. એટલુ જ નહીં પણ સ્ટેશનરી પેટે તેમને રૂા. 5000 ચુકવાય છે. ગયા વર્ષે પગાર વધારાનું આ વિધેયક કોઈ એજન્ડામાં ન હતુ તેમ છતાં તેને વિપક્ષની મંજુરી સાથે ધામધૂમથી પાસ કરી દેવાયુ હતુ. મંત્રીઓ, દંડક અને નાયબ દંડકના પગાર 1.32 લાખ કરી દેવાયા હતા. આ સમગ્ર પગાર વધારો તેમને 22 ડિસેમ્બર 2017થી મળવાનો હતો એટલે એરિયર્સ પેટે રૂાય 6.50 કરોડ ચુકવાયા હતા. 

આલેખન ઃ ગાયત્રી જોષી

ધારાસભ્ય શૈક્ષણીક લાયકાત પગાર ગુજરાત MLA education qualification MLA salary in Gujarat
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ