ચિંતા / ભાજપના દિગ્ગજ ધારાસભ્યની હાલત નાજુક, CM પણ ખબર પૂછવા દોડી ગયા, જાહેર થયું હેલ્થ બુલેટિન

• ધારાસભ્ય આશાબેન પટેલની તબિયતને લઇ મહત્વના સમાચાર 
• ઝાયડસ હોસ્પિટલના ડાયરેક્ટરએ આપી વિગત 
• આશા પટેલની તબિયત નાજુક 

પાટીદારોનો ગઢ ગણાતા ઉંઝાના ભાજપના ધારાસભ્ય ડો.આશા પટેલની તબિયત લથડતા તેઓને ગઈકાલે મોડી રાતે સારવાર અર્થે અમદાવાદની ઝાયડસ હોસ્પિટલમાં ખસેડવામાં આવ્યા છે. ધારાસભ્ય આશાબહેન પટેલનું લીવર ડેમેજ થતા સ્થિતિ વિકટ બની છે. ત્યારે હોસ્પિટલના ડોક્ટરે હૅલ્થ અપડૅટ જાહેર કર્યું છે. 

મૅડિકલ બુલેટિન જાહેર 

ઝાયડસ હોસ્પિટલના ડાયરેક્ટરએ વિગત જણાવતા કહ્યું કે, આશા પટેલની તબિયત નાજુક છે અને હાલ તેમનું નિયમિત ડાયાલિસિસ થઇ રહ્યું છે. હાલ આશાબેન લાઇફ સપોર્ટ સિસ્ટમ પર રખાયા છે. 

અમદાવાદ : ઉંઝાના ધારાસભ્ય આશાબેન પટેલની તબિયતને લઇ મહત્વના સમાચાર, આશા પટેલની તબિયત નાજુક, હાલ તેઓ લાઇફ સપોર્ટ સિસ્ટમ પર, તેમનું નિયમિત ડાયાલિસિસ થઇ રહ્યું છે. ઝાયડસ હોસ્પિટલના ડાયરેક્ટરએ આપી વિગત#Ahmedabad

— VTV Gujarati News and Beyond (@VtvGujarati) December 11, 2021

CM ભૂપેન્દ્ર પટેલે પૂછ્યા ખબર અંતર 

ઊંઝાના ધારાસભ્ય આશાબેન પટેલની તબિયત નાજુક છે અને MLA આશાબેન પટેલ અમદાવાદની ઝાયડસ હોસ્પિટલમાં દાખલ કરાયા છે.ત્યારે CM ભૂપેન્દ્ર પટેલે ઝાયડ્સ હોસ્પિટલમાં આશાબેન પટેલના ખબરઅંતર પૂછ્યા હતા. મહત્વનું છે કે આશાબેન પટેલને દિલ્હીથી પરત આવ્યા બાદ ડેન્ગ્યૂ થયો હતો. જેમાં તેમનું લીવર ડેમેજ થતા વેન્ટિલેટર પર રાખવામાં આવ્યા હતા. 

કોણ છે ધારાસભ્ય ડો. આશા પટેલ ? 

2017માં કોંગ્રેસ પાર્ટીના ઉમેદવાર બની ઊંઝા બેઠક પર વિધાનસભા ચૂટણી લડીને જીતેલા આશા પટેલે કોંગ્રેસ છોડીને 2019માં  ભાજપમાં પ્રવેશ કર્યો હતો.  કોંગ્રેસમાં કહેવાતી અવગણનાથી તેઓ નારાજ હતા. કોંગ્રેસમાં આંતર વિગ્રહ,જૂથવાદથી કંટાળીને તેમણે કોંગ્રેસને અલવિદા કહ્યું હતું. પાછળથી ભાજપે ઊંઝાથી જ ડો.આશા પટેલને ટીકીટ આપી અને તેઓ ચૂંટાઈ આવ્યા હતા. બાદમાં APMC ઊંઝામાં પણ તેઓએ દબદબો બનાવવામાં સફળતા મેળવી હતી. 

ઉત્તર ગુજરાતના પાટણની હેમચંદ્રાચાર્ય યૂનિવસિટીમાંથી વિજ્ઞાનમાં અનુસ્નાતક અને કેમેસ્ટ્રીમાં Ph.d થયેલા ડો.આશા પટેલ ખેતી વ્યવસાય સાથે જોડાયેલા છે. ઊંઝાના ધારાસભ્ય ડો.આશા પટેલની નાદુરસ્ત તબિયતથી મત વિસ્તાર ઊંઝા જ નહિ પણ,સમગ્ર ઉત્તર ગુજરાતમાં ચિંતાનું મોજું ફરી વળ્યું છે. તેઓની ખબર-અંતર માટે સતત લોકો પૃચ્છા કરી રહ્યા છે.