હૈદરાબાદઃ પાર્ટી દ્વારા ટિકિટ ના આપવામાં આવે ત્યારે કોઇ પણ નેતાનું દિલ દુઃખાઇ શકે છે. પરંતુ આ વાતથી એક ધારાસભ્યએ તો પરેશાન થઇને એવું પગલું ભરી લીધું કે તેઓનો જીવ જોખમમાં મૂકાઇ ગયો. વાઇએસઆર કોંગ્રેસનાં એક દલિત ધારાસભ્યએ આ વાતથી દુઃખી થઇને પોતાનાં હાથની નસ કાપી લીધી કે તેઓને પાર્ટી તરફથી વિધાનસભા ચૂંટણીની ટિકિટ ના આપવામાં આવી.
વ્યવસાયથી ડૉક્ટર આ ધારાસભ્યએ નસ કાપવાનો વીડિયો પણ હાલ સોશિયલ મીડિયા પર અપલોડ કરી નાખ્યો. વીડિયોમાં તેઓ કહે છે કે, 'જગન સર મૈં આપસે બેહદ પ્રેમ કરતા હું. આપને મુઝે પાર્ટી કા ટિકિટ નહીં દિયા ઇસલિયે મૈંને અપને જીવન કા અંત કરને કા ફૈસલા કિયા હૈ. મૈં પાંચ સાલ સે આપકે પદચિન્હોં પર ચલતા રહા. અબ મોત સે પહલે મૈં આપકો યહ વીડિયો ભેજ રહા હું.' તેઓને બાદમાં હોસ્પિટલમાં દાખલ કરવામાં આવ્યાં. તેઓની હાલત હાલમાં ખતરાથી બહાર છે.
તમને જણાવી દઇએ કે આંધ્રપ્રદેશમાં મુખ્ય વિપક્ષી દળ વાઇએસઆર કોંગ્રેસે રાજ્યમાં 25 લોકસભા અને 175 વિધાનસભા સીટોંનાં ઉમેદવારોની પોતાની સંપૂર્ણ યાદી રવિવારનાં રોજ રજૂ કરી દેવાયેલ છે. રાજ્યમાં લોકસભા સીટોં અને વિધાનસભા માટે 11 એપ્રિલનાં રોજ ચૂંટણી થવાની છે. વાઇએસઆરસી પ્રમુખ વાઇ એસ જગનમોહન રેડ્ડીએ પોતાનાં સ્વર્ગવાસી પિતા અને પૂર્વ મુખ્યમંત્રી વાઇ એસ રાજશેખર રેડ્ડીને કડપ્પા જિલ્લાની ઇદુપુલપાયામાં શ્રદ્ધાંજલિ અર્પિત કર્યા બાદ યાદી રજૂ કરી.