IPLIN
 

Box Office / મિશન મંગલ: સલમાન ખાનનો આ રેકોર્ડ તોડીને અક્ષય કુમારની પહેલી ફિલ્મ 200 કરોડના ક્લબમાં સામેલ

Team VTV 01:23 PM, 13 Sep 19 | Updated: 02:17 PM, 13 Sep 19
Follow us
mission mangal box office collection akshay kumar first film in 200 crore club

મિશન મંગલ ફિલ્મએ ભારતમાં 200.16 કરોડની કમાણી કરી છે. આ સાથે 200 કરોડના ક્લબમાં સામેલ થનારી અક્ષય કુમારની પહેલી ફિલ્મ બની ગઇ છે. આ પહેલા સ્વતંત્રતા દિવસે સૌથી વધારે કમાણી કરનારનો રેકોર્ડ સલમાન ખાનની ફિલ્મ 'એક થા ટાઇગર' ના નામે હતો.

અક્ષય કુમારની ફિલ્મ મિશમ મંગલ રિલીઝના 4 સપ્તાહ બાદ પણ પોતાનો દબદબો યથાવત છે. ફિલ્મએ ભારતમાં 200.16 કરોડની કમાણી કરી છે. આ સાથે 200 કરોડના ક્લબમાં સામેલ થનારી અક્ષય કુમારની પહેલી ફિલ્મ બની ગઇ છે. મિશન મંગલની શાનદાર કમાણીએ ફરીથી અક્ષયને બોક્સ ઓફિસનો ખેલાડી સાબિત કર્યો છે. 

ટ્રેડ એનાલિસ્ટ તરણ આદર્શે ટ્વિટ કરીને લખ્યું  'મિશન મંગલે 200 કરોડનો આંકડો પાર કરી લીધો છે. આ અક્ષય કુમારની પહેલી ડબલ સેન્ચ્યુરી છે. મિશન મંગલે ચોથા સપ્તાહમાં શુક્રવારે 73 લાખ, શનિવારે 1.40 કરોડ, રવિવારે 2.10 કરોડ, સોમવારે 61 લાખ, મંગળવારે 1.01 કરોડ, બુધવારે 54 લાખ, ગુરુવારે 63 લાખની કમાણી કરી છે. મિશન મંગલે 3 દિવસમાં 50 કરોડ, 5 દિવસમાં 100 કરોડ, 11 દિવસમાં 150 કરોડ અને 29 દિવસમાં 200 કરોડ કમાણી કરાઇને અક્ષય કુમારને એની સૌથી મોટી હિટ આપી છે.'

મિશન મંગલ 15 ઓગસ્ટના રોજ રિલીઝ થઇ હતી. આ પહેલા સ્વતંત્રતા દિવસે સૌથી વધારે કમાણી કરનારનો રેકોર્ડ સલમાન ખાનની ફિલ્મ 'એક થા ટાઇગર' ના નામે હતો. સલમાન કેટરીનાની ફિલ્મનું લાઇફટાઇમ કલેક્શન 198.78 કરોડ રૂપિયા હતું, જેને મિશન મંગલે 200 કરોડ કમાણી કરીને તોડી નાંખ્યો છે. 

મિશન મંગલ ઇસરોની મંગળ અભિયાનની સાચી સ્ટોરી બેસ્ડ છે. ફિલ્મમાં અક્ષય કુમાર ઉપરાંત વિદ્યા બાલન, તાપસી પન્નૂ, સોનાક્ષી સિંહા અને શરમન જોશી મુખ્ય ભૂમિકામાં છે. ફિલ્મનું નિર્દેશન જગન શક્તિએ કર્યું છે. મૂવીને ક્રિટિક્સે પણ સારો રિસ્પોન્સ આપ્યો. 
 

Bollywood mission manga Akshay Kumar મિશન મંગલ અક્ષય કુમાર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ