ISRO ચીફ ડૉ. કે. સિવને કહ્યું કે ચંદ્રયાન 2ની 98 ટકાની સફળતાની જાહેરાત મેં કરી નથી. આ એ રાષ્ટ્રિય સ્તરની કમિટીએ કહ્યું હતું જે આખા મિશનનો રિવ્યૂ કરી રહી છે. કમિટીનું માનવું છે કે અમારા મિશનમાં ફક્ત 2 ટકાની ખામી આવી છે.
ISRO ચીફ ડૉ. કે. સિવનનો ખુલાસો
ચંદ્રયાન 2ની 98 ટકાની સફળતાની જાહેરાત મેં કરી નથી
રાષ્ટ્રિય સ્તરની કમિટીએ કરી હતી આ જાહેરાતઃ કે. સિવન
ભારતીય અંતરિક્ષ એજન્સી ઈસરોના ચીફ ડૉ. કે. સિવને કહ્યું કે મારું માનવું છે કે મિશન 98 ટકા સફળ રહ્યું છે. કારણ કે અમે પહેલી વાર 4 ટનથી વધારે વજનના સેટેલાઈટને જિયોસ્ટેશનરી સેટેલાઈટ ઓર્બિટમાં મોકલ્યું હતું. અમે પહેલી વાર બે સેટેલાઈટ (લેન્ડર અને ઓર્બિટર)ને એકસાથે ચંદ્રની કક્ષામાં પહોંચાડ્યા. પહેલી વાર ઓર્બિટરમાં એવા પેલોડ્સ લગાવ્યા જેનો દુનિયામાં પહેલી વાર ઉપયોગ કરાયો હતો. આ પેલોડ્સ અત્યાધુનિક છે. એટલું જ નહીં લેન્ડિંગ પહેલાં વિક્રમની દરેક સબ સિસ્ટમ પણ સારી રીતે કામ કરી રહી હતી. ઈસરોના ચીફે આ વાત એક ઈન્ટરવ્યૂમાં કહી હતી.
પીએમને ખરાબ લેન્ડિંગ વિશે જણાવ્યું તો તેઓએ કીધું બધું ઠીક થઈ જશે
ડૉ. કે. સિવને કહ્યું કે 7 સપ્ટેમ્બરની રાતે મેં પીએમ મોદીને જઈને કહ્યું કે વિક્રમ લેન્ડરના લેન્ડિંગમાં ગરબડ થઈ છે. અમારો સંપર્ક તૂટી ચૂક્યો છે, ત્યારે પીએમ મોદીએ કહ્યું કે ચિંતા ના કરો, બધું સારું થશે. બીજા દિવસે સવારે આવીને તેઓએ ટીમને સંબોધિત કરીને ઉત્સાહ વધાર્યો હતો.
ભવિષ્યની યોજનામાં જરૂરી આદિત્ય- એલ1 મિશન
ડૉ. કે. સિવને જણાવ્યું કે અમારા માટે સૌથી મહત્વનું મિશન આદિત્ય- એલ1 છે. આ મિશન વર્ષ 2020ના એપ્રિલમાં લોન્ચ થશે. આ પહેલાં કાર્ટોસેક-3, રીસેટ-2બીઆર1 અને રીસેટ-2બીઆર2 લોન્ચ કરવામાં આવશે. આ દરેક દેખરેખ અને જાસૂસીના ઉપગ્રહ છે. આ સિવાય આ વર્ષે ડિસેમ્બર અંત કે આવનારા વર્ષની શરૂઆતમાં સ્મોલ સેટેલાઈટ લોન્ચ વ્હીકલ લોન્ચ કરાશે. આ પછી ગગનયાન ડિસેમ્બર 2021માં લોન્ચ કરીશું. ત્યારબાદ અમે અમારા સ્પેસ સ્ટેશનને વિશે તૈયારીમાં લાગીશું. 2023-24માં શુક્ર ગ્રહ પર સેટેલાઈટ પહોંચાડીશું. શુક્ર મિશન માટે અમને અનેક દેશોમાંથી પેલોડ્સ લગાડવાની રિકવેસ્ટ આવી રહી છે.
યોગ્ય સમયે બધો ડેટા સામાન્ય જનતાને બતાવાશે
ડૉ. કે. સિવને જણાવ્યું કે નેશનલ રિવ્યૂ કમિટીની તપાસ થયા બાદ જ ઓર્બિટરથી મળેલો ડેટા અને ફોટો સામાન્ય લોકો સુદી પહોંચાડીશું. રિવ્યૂ કમિટી કામ કરી રહી છે. આ પછી રિપોર્ટ પીએમને સોંપવામાં આવશે. આ પ્રક્રિયા બાદતે સાર્વજનિક ડેટા બનશે. અમેરિકી અંતરિક્ષ એજન્સી (NASA)ના લૂનર કિકોનસેંસ ઓર્બિટરથી મળેલો ડેટા પણ સાર્વજનિક થશે.
NASAનું લૂનર રિકોનસેંસ ઓર્બિટરને શોધી શક્યું નહીં
અમેરિકી અંતરિક્ષ એજન્સીના લૂનર રિકોનસેંસ ઓર્બિટરને શોધી શક્યા નથી. નાસાએ કહ્યું કે હવે અમે લેન્ડરને ફરીથી ઓક્ટોબરમાં શોધવાની કોશિશ કરીશું. નાસાના વૈજ્ઞાનિકોએ જણાવ્યું છે કે વિક્રમ લેન્ડર ચંદ્રના દક્ષિણ ધ્રૂવથી લગભગ 600 કિમી દૂર પડ્યું હતું. 17 સપ્ટેમ્બરે LROએ તે જ જગ્યાની ઉપરથી ઉડાન ભરી હતી. સાંજનો સમય હોવાથી ફોટો યોગ્ય રીતે આવ્યો ન હતો. આ કારણે અમે વિક્રમને શોધી શક્યા નથી. તેને ફરીથી ઓક્ટોબરમાં શોધવાની કોશિશ કરીશું જ્યારે ત્યાં સંપૂર્ણ ઉજાસ હશે.
આખરે શું થયું હતું ચંદ્રયાન 2ના વિક્રમ લેન્ડરની સાથે?
ઈસરોએ 7 સપ્ટેમ્બરની સવારે 1.50 વાગ્યાની આસપાસ વિક્રમ લેન્ડરને ચંદ્રના દક્ષિણ ધ્રૂવ પર લેન્ડ કરવાની કોશિશ કરી હતી. પણ આ લેન્ડિંગ આશા પ્રમાણે થઈ શક્યુ નહીં અને વિક્રમ સાથેનો સંપર્ક તૂટી ગયો.