કરોડપતિ પત્ની 13 વર્ષ નાના રિક્ષાવાળા સાથે ભાગી ગઇ તો પતિએ પોલીસ સ્ટેશનમાં ફરિયાદ નોંધાવી પરંતુ પોલીસ બંનેને શોધવામાં નિષ્ફળ રહી છે.
કરોડપતિ મહિલાને લઇને ભાગ્યો રિક્ષાવાળો
મહિલા અને રિક્ષવાળા વચ્ચે 13 વર્ષનો ગૅપ
પતિએ નોંધાવી પોલીસ સ્ટેશનમાં ફરિયાદ
ઇન્દોરનો છે મામલો
પ્રેમી સાથે ફરાર થયેલી મહિલા ઇન્દોરના હોજી કોલોની નિવાસી છે. તે એક ગર્ભશ્રીમંત છે અને 13 વર્ષ નાના રિક્ષાવાળા સાથે પ્રેમ થઇ જતાં 47 લાખ રૂપિયાની રકમ લઇને ભાગી ગઇ છે. 10 દિવસ પહેલા તે ભાગી ગઇ હતી જે બાદ પતિએ પોલીસ ફરિયાદ નોંધાવી હતી પરંતુ પોલીસ પણ બંને લોકોને પકડી પાડવામાં નિષ્ફળ રહી છે. પત્નીના ગાયબ થવાથી પોલીસ બેડામાં ખળભળાટ મચી જવા પામ્યો છે.
મહિલા અને પ્રેમી વચ્ચે 13 વર્ષનો ગૅપ
કરોડપતિ મહિલા 45 વર્ષની છે અને રિક્ષાવાળાની ઉંમર 32 વર્ષની છે. રિક્ષાવાળાનું નામ ઇમરાન છે અને તે મહિલાને લેવા મૂકવા આવતો હતો. પાંચ દિવસ પહેલા ફરિયાદ નોંધવામાં આવી છે. જે બાદ પોલીસની ટીમ સક્રીય થઇ છે. પોલીસની ટીમ સમગ્ર પંથકમાં દરોડા પાડી રહી છે.
મહિલાના પતિ પાસે કરોડો રૂપિયાની જમીન છે. પોલીસ ફરિયાદ અનુસાર પતિએ કહ્યું કે તે ઘરેથી ગાયબ થઇ ગઇ છે. થોડા દિવસ પરિવારે રાહ જોઇ પરંતુ મોબાઇલ બંધ આવવા પર ડાઉટ ગયો હતો. જે બાદ ખબર પડી કે રિક્ષાવાળા સાથે તેનો પ્રેમ પ્રસંગ ચાલી રહ્યો હતો. બાદમાં પોલીસ ફરિયાદ નોંધવામાં આવી હતી.
રવિવારે પોલીસને મળી કામયાબી
રવિવારે ઇન્દોર પોલીસને 33 લાખ રૂપિયાની રકમ મળી આવી હતી. મહિલા અને તેના પ્રેમી વિશે તો કોઇ જાણકારી મળી શકી નથી પરંતુ આ રૂપિયા ઇમરાને પોતાના મિત્ર રિતેશ ઠાકુરના ઘરે છુપાવ્યા હતા. ત્યાંથી પોલીસે રૂપિયા રિકવર કર્યા છે.
ક્યાંથી આવ્યા આ રૂપિયા
પોલીસના જણાવ્યા અનુસાર મહિલાના પતિ પાસે કરોડોની જમીન છે અને થોડા સમય પહેલા જમીનનો એક સોદો થયો હતો. જેમાંથી આ પૈસા આવ્યા હતા અને ઘરની તિજોરીમાં રાખ્યા હતા. તે જ 47 લાખ રૂપિયા લઇને પત્ની ફરાર થઇ ગઇ હતી.