ઓકટોબરમાં તનુશ્રી દત્તા #MeToo કેમ્પેઇન બોલિવૂડમાં શરૂ થયું હતું. જેમાં ઘણાં મોટાં નામ સામે આવ્યાં હતાં. ત્યાર બાદ #MeTooનો એક સકારાત્મક પક્ષ સામે આવ્યો હતો. સેલિના જેટલીની કમબેક ફિલ્મ સિઝન્સ ગ્રિટિંગ્સના મેકર્સે સેન્સિટિવ સીનનાં મોનિટરિંગ માટે એક ફિમેલ ઇન્ટિમસી સુપરવાઇઝર હાયર કરી.
બોલિવૂડની આ પહેલી ફિલ્મ છે જેમાં ઇન્ટિમેટ સીનનાં શૂટિંગ સમયે ફિમેલ સુપરવાઇઝર હાજર રહી. ઉલ્લેખનીય છે કે ફિલ્મ સિઝન્સ ગ્રિટિંગ્સનું શૂટિંગ્સ કોલકાતામાં ચાલી રહ્યું હતું. આ સીન એક પેન્ટહાઉસમાં સેલિના જેટલી અને તેના કો-સ્ટાર અઝહરખાન વચ્ચે શૂટ થયો.
જેનું મોનિટરિંગ સોશિયલ એકિટવિસ્ટ મનીષા બાસુએ કર્યું. એક ઇન્ટરવ્યૂમાં સેલિનાએ કહ્યું કે તેણે ડિરેકટર રામકમલ મુખરજીને આ આઇડિયા આપ્યો. ત્યાર બાદ તેણે આ પગલું ભર્યું.
હોલિવૂડની ફિલ્મોમાં શૂટિંગ વખતે ઇન્ટિમસી સુપરવાઇઝર હાયર કરાય છે. મેં અહીંના ડિરેકટરને વાત કરી. જેમણે મારી વાત માની લીધી. સુપરવાઇઝર હોવાના કારણે મેં લવ મેકિંગ સીન દરમિયાન ખૂબ જ સહજતા અનુભવી.