બહુ કરી / LUDO રમતા-રમતા મળ્યા, પ્રેમ થયો... ભારતમાં રહેવા લાગી પાકિસ્તાની યુવતી: પછી થયું એવું કે પ્રેમીના નસીબમાં આવી જેલ

• 19 વર્ષની પાકિસ્તાની છોકરી 21 વર્ષના ભારતીય યુવકના પ્રેમમાં પડી 
• છોકરી યુવક સાથે લગ્ન કરવા માટે ઘણા દેશોની ઓળંગીને ભારત પહોંચી . 
• ઓનલાઈન લુડો રમતી વખતે થયો હતો પ્રેમ 

પ્રેમ આંધળો હોય છે એ તો આપણે બધાએ સાંભળ્યું જ છે. પ્રેમમાં પડેલ વ્યક્તિને કોઈ હદ કે સહરદ નથી નડતી એવા ઘણા કિસ્સા આપણે સાંભળેલા હશે અને એક એવો જ કિસ્સો હાલ સામે આવ્યો છે. જણાવી દઈએ કે પાકિસ્તાનની એક 19 વર્ષની છોકરી ઇકરા જિવાની 21 વર્ષના ભારતીય યુવક સાથે પ્રેમમાં પડી હતી. પ્રેમ એટલો હતો કે છોકરી યુવક સાથે લગ્ન કરવા માટે ઘણા દેશોની સરહદો ઓળંગીને ભારત પહોંચી હતી. 

છોકરી માટે ભારત પંહોચવું સહેલું નહતું
જો કે છોકરી માટે ભારત પંહોચવું સહેલું નહતું. આ દરમિયાન ઇકરાને ઓછા પડકારોનો સામનો કરવો પડ્યો ન હતો. પાકિસ્તાનની એ છોકરી જે ભારતીય યુવકને પ્રેમ કરે છે તેની સાથે લગ્ન કરવા તેને પોતાના ઘરેણાં વહેંચ્યા, મિત્રો પાસેથી પૈસા ઉદ્ધાર લઈને એર ટિકિટ ખરીદી તે પહેલા દુબઈ પહોંચી હતી અને એ બાદ ત્યાંથી તે કાઠમાંડુ થઈને ભારતીય સરહદમાં પ્રવેશી હતી. 

છોકરીને પાછી પાકિસ્તાન મોકલી અને યુવકને થઈ જેલ
જણાવી દઈએ કે પાકિસ્તાનની 19 વર્ષની ઇકરા ભારતમાં આવી એ બાદ તેને 21 વર્ષીય મુલાયમ સિંહ યાદવની મળી અને બંને એ લગ્ન કરી લીધા હતા. એ બાદ બંને બેંગ્લોરમાં રહેવા લાગ્યા હતા પણ જ્યારે પોલીસને ઈકરા પાકિસ્તાની હોવાની શંકા ગઈ, ત્યારે તેને વાઘા બોર્ડર પર પાકિસ્તાનને સોંપવામાં આવી, જ્યારે મુલાયમને જેલમાં ધકેલી દેવામાં આવ્યો. 

આ લવસ્ટોરી વિશે શું કહેશો? #ludogame #lovestory #vtvcard #VtvGujarati pic.twitter.com/QB75pX4jan

— VTV Gujarati News and Beyond (@VtvGujarati) February 25, 2023

આ રીતે થઈ લવસ્ટોરી
બે દેશોના રહેવાસીઓ વચ્ચે પ્રેમની આ કહાની સપ્ટેમ્બર 2022 માં શરૂ થઈ હતી. ઇકરા અને મુલાયમ લુડો રમતા ઓનલાઈન મળ્યા હતા જે બાદ બંને પ્રેમમાં પડ્યા હતા. થોડા મહિના પછી ઇકરા નેપાળ પહોંચી અને તેઓએ લગ્ન કરી લીધા હતા. 

જો કે હાલ ભારત સરકારે ઇકરાને વાઘા બોર્ડર પર પાકિસ્તાન પ્રશાસનને સોંપી દીધી છે. 

સમીર અંસારી નીકળ્યો મુલાયમ સિંહ યાદવ
આ વિશે વાત કરતાં ઇરકાના પિતાએ કહ્યું હતું કે 'ઇકરા કોલેજ ગયા પછી ગુમ થઈ ગઈ હતી. અમે હજુ પણ એ સમજી શક્યા નથી કે ઇરકામાં આટલી હિંમત ક્યાંથી આવી, તે શરમાળ છોકરી છે તો એકલી એ કરાચીથી દુબઈ, દુબઈથી કાઠમંડુ અને ત્યાંથી ભારત કેવી રીતે પંહોચી? આ સાથે જ ઇકરાના એક સંબંધીનું કહેવું છે કે ઇકરાને આ લાંબી અને ખતરનાક સફર સમીર અંસારી નામના મુસ્લિમ સોફ્ટવેર એન્જિનિયરને મળવા માટે કરી હતી પણ અંસારી વાસ્તવમાં 26 વર્ષનો મુલાયમ સિંહ યાદવ નીકળ્યો. જે બેંગ્લોરમાં એક સિક્યોરિટી ગાર્ડ છે જેને ઓનલાઈન લુડો રમતી વખતે ઇરકા મળી હતી.