બુધનું થવા જઇ રહ્યું છે રાશિ પરિવર્તન, 3 જૂનથી 1 વાગેને 29 મિનિટથી 3 રાશિના જાતકોના સુખના દિવસો થશે શરૂ
બુધનું થવા જઇ રહ્યું છે રાશિ પરિવર્તન
હવે બુધ સીધા માર્ગે કરશે પરિવહન
બુધનું વૃષભ રાશિમાં થશે રાશિ પરિવર્તન
ગ્રહોનું રાશિ પરિવર્તન તમારા જીવનમાં ફેરફાર લાવે છે. દરેક ગ્રહો નક્કી કરેલા સમયે રાશિ પરિવર્તન કરે જ છે. જેમાં સૌથી ધીમી ગતિએ ભ્રમણ કરતો ગ્રહ છે શનિ. ત્યારે 10મેથી વક્રી થયેલા બુધ હવે સીધી ચાલ ચાલશે. જી, હા 3 જૂનના રોજ બપોરે 1 વાગ્યેને 29 મિનિટે બુધ સીધા માર્ગે ભ્રમણ કરશે અને વૃષભ રાશિમાં પરિવહન કરશે. બુધની સીધી ચાલ પછી ઘણી રાશિઓને વેપાર, બુદ્ધિ અને આર્થિક મોરચે મોટો લાભ અપાવશે. ત્યારે ચાલો જાણીએ બુધની ચાલ બદલાતાની સાથે જ કઈ રાશિના દિવસો બદલાશે.
મેષઃ
બુધ મેષ રાશિના બીજા ઘરમાં ગોચર કરશે. તે સંપત્તિ અને વાણીનો ભાવ ગણાય છે. વેપારમાં તમારા માટે લાભની તકો રહેશે. અચાનક નાણાંકીય લાભ થશે. લાંબા સમયથી અટવાયેલા પૈસા પાછા આવશે. હિંમત અને શક્તિ વધશે. આ સમય દરમિયાન તમને સારો સોદો પણ મળી શકે છે. વિદ્યાર્થી વર્ગના લોકો માટે પણ આ સમય ઘણો અનુકૂળ રહેશે.
કન્યાઃ
કન્યા રાશિના નવમા ભાવમાં બુધનું ગોચર થઈ રહ્યું છે. તેને ભાગ્ય અને વિદેશનો ભાવ કહેવામાં આવે છે. આ દરમિયાન તમને ભાગ્યનો પૂરો સાથ મળશે. અટકેલા કામો પૂરા થશે. નોકરી અને ધંધા સંબંધિત પ્રવાસની તકો મળશે. આ સમય દરમિયાન તમે પૈસા કમાઈ શકો છો. વિદેશ જવાનું સપનું જોઈ રહેલા લોકોની આશા પુરી થશે. સ્પર્ધાત્મક પરીક્ષાની તૈયારી કરી રહેલા વિદ્યાર્થીઓ માટે પણ આ સમય ઘણો સારો છે.
સિંહઃ
સિંહ રાશિના દસમા ભાવમાં બુધ ગ્રહ ચાલશે. જેને કર્મ અને નોકરીનું ઘર કહેવામાં આવે છે. જ્યોતિષીઓનું કહેવું છે કે આ સમય દરમિયાન તમને નોકરીમાં કેટલીક સારી ઓફર મળી શકે છે. પ્રમોશન અને ઇન્ક્રીમેન્ટની શક્યતાઓ પણ દેખાઈ રહી છે. વેપારનો વિસ્તાર થઈ શકે છે. મોટા સોદામાં રોકાણ કરવા માટે આ સમય શુભ છે.