ગોંડલ ચોકડીએ આવતા દૂધના વાહનોમાં મનપા આરોગ્ય વિભાગની તપાસ થઈ હતી, જેમાં સ્થળ પર નમૂના લઇને તેનું ટેસ્ટિંગ કરાયું હતું, 22 જેટલા દૂધના વાહનોમાંથી નમૂના લેવામાં આવ્યા હતા
રાજકોટ દૂધની ભેળસેળ અટકાવવા ડ્રાઇવ
RMCના ફૂડ શાખાની મેગા ડ્રાઇવ
દૂધના વાહનોમાં આરોગ્ય વિભાગની તપાસ
રાજકોટમાં દૂધની ભેળસેળ અટકાવવા RMCના ફૂડ શાખાની મેગા ડ્રાઇવ ચલાવી હતી. ગોંડલ ચોકડીએ આવતા દૂધના વાહનોમાં મનપા આરોગ્ય વિભાગની તપાસ થઈ હતી. જેમાં સ્થળ પર નમૂના લઇને તેનું ટેસ્ટિંગ કરાયું હતું. 22 જેટલા દૂધના વાહનોમાંથી નમૂના લેવામાં આવ્યા હતા. જેમાંથી 4 વાહનોમાંથી પાણીની ભેળસેળ સામે આવી હતી. ફૂડ સેફ્ટી ઓન વ્હીલ્સમાં તાત્કાલિક દૂધનું પરીક્ષણ કરવામાં આવ્યું હતું. ઉપલેટામાંથી ભેળસેળ યુક્ત દૂધ આવતું હોવાનો ખુલાસો થયો છે.
વડીલોના મતે બાળકોના યોગ્ય વિકાસ માટે દૂધથી વધુ પૌષ્ટિક ખોરાક બીજું કોઈ છે જ નહીં. દૂધમાં તમામ પ્રકારની ખૂબીઓ છે કે જે બાળકોના શરીરના યોગ્ય વિકાસ માટે ખૂબ જ ફાયદાકારક છે. પરંતુ ઘણીવાર ભેળસેળવાળા દૂધને કારણે બાળકોનું સ્વાસ્થ્ય જોખમાય છે. એક પછી એક ભેળસેળિયા સફેદ દૂધનો કાળો કારોબાર સામે આવી રહ્યો છે. ત્યારે સફેદ દેખાતું દૂધ કેટલું શુદ્ધ છે તે જાણવા માટે VTVની ટીમે રિયાલીટી ચેક હાથ ધર્યું હતું. VTVની ટીમ CERC લેબમાં પહોંચી હતી અને કેવી રીતે દુધમાં કયા પદાર્થો ઉમેરવામાં આવે છે તેમજ તે કેટલા નુકસાનકારક છે તે જાણવાનો પ્રયત્ન કર્યો હતો.
દૂધમાં ભેળસેળનો ખુલાસો કઇ રીતે થાય?
દૂધમાં સ્ટાર્ચનું પ્રમાણ જાણવા 2-3 ML દૂધ લો
2-3 ટીપા આયોડિનનું ટિંકચર નાખી મિક્સ કરો
દૂધ આછું બ્લૂ જણા તો સ્ટાર્ચનું ભેળસેળ કરેલું છે
દૂધમાં સાબુની ભેળસેળ છે કે નહીં તે પણ નક્કી થઇ શકે
દૂધમાં સાબુની ભેળસેળ ચકાસવા ચકાસવા 5-10 ML દૂધ લો
દૂધની સમાન માત્રામાં પાણીને મિક્સ કરો
સાબુની ભેળસેળ હશે તો વધુ પ્રમાણમાં ફીણ દેખાશે
દૂધમાં શું-શું ભેળસેળ થાય છે?
દેશમાં વેચાતુ દૂધ 68.7% દૂધ HSSAI ધોરણથી નીચેના સ્તરનું છે
દૂધમાં ડિટરજન્ટની ભેળસેળ કરવામાં આવે છે
દૂધમાં કાસ્ટિક સોડા અને ગ્લોકોઝની ભેળસેળ થાય છે
સફેદ કલર અને રિફાઇન્ડ તેલની ભેળસેળ થતી હોય છે
ભેળસેળને પરિણામે દૂધ અત્યંત હાનિકારક સાબિત થાય છે