ક્રાઈમ / મહેસાણામાં 4 શખ્સોએ યુવતીને બનાવી હવસનો શિકાર, અપહરણ કર્યા બાદ યુવતી સાથે આચર્યું સામૂહિક દુષ્કર્મ

• મહેસાણા કડીમાં સામૂહિક દુષ્કર્મનો બનાવ 
• 4 શખ્સોએ યુવતી સાથે આચર્યું સામૂહિક દુષ્કર્મ 
• અપહરણ કર્યા બાદ યુવતીને બનાવી હવસનો શિકાર 

રાજ્યમાં  મહિલાઓ સાથે બની રહેલા અત્યાચારના બનાવો હવે એક ચિંતાનો વિષ બન્યો છે. દિવસેને દિવસે હવે રાજ્યમાં દુષ્કર્મના બનાવો વધી રહ્યા છે. ત્યારે વધુમાં ફરી મહેસાણાના કડીમાં દુષ્કર્મનો બનાવ સામે આવ્યો છે. જેમાં સાંભળીને આપને નવાઈ લાગશે કે 4 શખ્સોએ યુવતી સાથે  સામૂહિક દુષ્કર્મ આચર્યું છે. 

પહેલા યુવતીનું અપહરણ કર્યું 

બનાવની જો વિગતવાર વાત કરીએ તો નકડીના નંદાસણ નજીક આ બનાવ બન્યો છે. જ્યા સૌથી પહેલા તો આરોપીઓએ યુવતીનું અપહરણ કર્યું હતું. બાદમાં તેઓ અપહરણ કરીને યુવતીને મહેસાણા-બહુચરાજી હાઈવે પર લઈ ગયા હતા. 

ચાર શખ્સોએ આચર્યું સામૂહિક દુષ્કર્મ 

આરોપીએ મહેસાણા-બહુચરાજી હાઈવે પર યુવતીને લઈ જઈને ત્યા તેની સાથે દુષ્કર્મ આચર્યું હતું. જે ચારેય શખ્સોએ યુવતીને હવસનો શિકાર બનાવી છે તે ચારેય શખ્સો મિત્રો હોવાનું સામે આવ્યું છે. બનાવને કારણે યુવતી એટલી ગભરાઈ ગઈ છે કે તે ન તો કોઈને કહી શકે કે ન તો સહી શકે તેવી તેની સ્થિતી છે. 

પોલીસે કાયદેસરની કાર્યવાહી આરંભી 

ઉલ્લેખનીય છે કે સમગ્ર મામલે યુવતીએ પોલીસમાં ફરિયાદ નોંધાવી છે. જેમા તેણે ચાર શખ્સો સામે નંદાસણ પોલીસમાં ફરિયાદ નોંધાવી છે. જેથી પોલીસે પણ ઘટનાની ગંભીરતાને ધ્યાનમાં રાખીને તપાસના ચક્રો ગતિમાન કર્યા છે. પરંતુ રાજ્યમાં વધી રહેલા દુષ્કર્મના બનાવો હવે આપણા માટે એક ચિંતાનો વિષય બન્યો છે.