ખળભળાટ / અમેરિકામાં ફરી ગોળીબાર: કેલિફોર્નિયાની સ્કૂલમાં સંદિગ્ધ વ્યક્તિએ કર્યું અંધાધૂંધ ફાયરિંગ, અનેક વિદ્યાર્થી ઈજાગ્રસ્ત

• ફરી બાળકોને બનાવાયા નિશાન
• અમેરિકાની શાળામાં ગોળીબાર 
• જાનહાનીના કોઈ અહેવાલ નહીં 

અમેરિકા અત્યારે પોતાના જ દેશમાં હથિયારોના થઈ રહેલા દુરુપયોગથી ચિંતિત છે. હવે ફરી એકવાર આવી જ ઘટના અમેરિકાના કેલિફોર્નિયામાંથી સામે આવી છે, જ્યાં ફરી એકવાર સ્કૂલના બાળકોને નિશાન બનાવવાનો પ્રયાસ કરવામાં આવ્યો છે. 

જાનહાનીના કોઈ અહેવાલ નહીં 

કહેવામાં આવી રહ્યું છે કે એક શંકાસ્પદ વ્યક્તિએ સ્કૂલમાં ગોળીબાર કર્યો છે. આ ગોળીબાર ઓકલેન્ડ વિસ્તારમાં થયો છે, જ્યાં આ સ્કૂલ છે. ફાયરિંગની આ ઘટનામાં ઘણા લોકો ઘાયલ થયા હોવાનું કહેવાય છે, જો કે હજુ સુધી કોઈના મોતની માહિતી મળી નથી.

પોલીસ પહોંચી ઘટના સ્થળે 

ઘટનાની માહિતી મળતા જ પોલીસ તાત્કાલિક ઘટનાસ્થળે પહોંચી ગઈ હતી અને સમગ્ર વિસ્તારને કોર્ડન કરી લીધો હતો. આ ફાયરિંગમાં ઘાયલ થયેલા લોકોને હોસ્પિટલમાં લઈ જવામાં આવ્યા છે. ઘાયલોની સંખ્યા 5થી વધુ હોવાનું કહેવાય છે.