જમ્મુ- કાશ્મીરમાં આવેલા હિમસ્ખલનમાં આર્મીનાં 3 જવાન શહીદ થઈ ગયાં હતા. જેમાં એત જવાન ગુરદાસપુરનાં સિદ્ધપુર ગામનાં નવાં પીંડનો હતો. આ જવાનના લગ્ન એક વર્ષ પહેલાં થયાં હતાં. 2 મહિનાં પહેલાં તેમનાં ઘરે દીકરીનો જન્મ થયો હતો. પરંતુ તેનું મોઢું જોવે એ પહેલાં જ જવાન દેશ માટે શહીદ થઈ ગયો હતો. આ જવાન જમ્મુ- કાશ્મીરમાં કુપવાડા જિલ્લાનાં માછિલ -ઉડી સેક્ટરમાં શહીદ થયો હતો.
જમ્મુ કાશ્મીરનાં હિમસ્ખલનમાં 3 જવાનનાં મોત
મરનાર એક જવાનના ઘરે 2 મહિના પહેલા અવતરી હતી દીકરી
જવાન દીકરીને જોવા આવે તે પહેલા જવાન મોંતને ભેટ્યો
જવાન જમ્મુ કાશ્મીરમાં ફરજ બજાવી રહ્યો હતો
26 વર્ષનાં રંજિત સિંહ સલારિયા 45મી રાષ્ટ્રીય રાઈફલ્સના જવાન હતાં. તે અત્યારે જમ્મુ કાશ્મીરમાં ફરજ બજાવી રહ્યાં હતાં. રંજીતનાં લગ્ન ગત વર્ષે 26 જાન્યુઆરી 2019નાં રોજ થયાં હતાં. ઘરમાં ખુશિયોનો માહોલ હતો.
પિતા દીકરીને એક નજર જોઈ પણ ન શક્યો
લગ્ન પછી શહીદ રંજીત સિંહ દુશ્મનોને ધૂળ ચટાડવા માટે ટુકડી સાથે ગયા હતાં. ડિસેમ્બરમાં તેમનાં ઘરે એક દીકરીનો જન્મ થયો હતો. જેનું નામ તેમણે પરી રાખ્યું હતું. શહીદ રંજીત સિંહ દીકરીનો હસ્તો ખિલખિલાટ કરતો ચેહરો જોઈ પણ ન શક્યાં. તે દીકરીનો ચહેરો જોઈ શકે તે પહેલાં જ હિમસ્ખલનની લપેટમાં આવી ગયા અને મોંતને ભેંટ્યા હતાં.
જવાન પરિવારનો એક માત્ર સહારો
શહીદનાં પિતા હરબંસ સિંહે જણાવ્યું હતું કે અમને મંગળવારે ફોન આવ્યો હતો કે મારા દિકરાનું બરફ પડવાથી મોંત નિપજ્યું છે. પિતાએ હૈયાફાળ રુદન કરતાં કહ્યું તે એક માત્ર અમારો આધાર હતો. કેમકે તેમનો બીજો દિકરો મંદબુદ્ધિ છે.
ગત વર્ષે જવાનનાં લગ્ન થયાં હતા
પિતાએ દિકરાને યાદ કરતાં કહ્યું કે મારા દિકરાના ગત વર્ષે જ લગ્ન થયાં છે. 2 મહિનાની દીકરી પરી છે. પરિવાર રડી રડીને બેહાલ થઈ ગયાં છે. આખું ગામ શોકમાં ગરકાવ થઈ ગયું છે. કેમ કે પરિવાર ગરીબીમાંથી પસાર થઈ રહ્યો છે. ઘરમાં આ એક માત્ર કમાનારો હતો જે દેશ માટે શહીદ થઈ ગયો છે.