વેડિંગ સ્પેશ્યિલ / હવે લગ્નમાં વધી રહ્યો છે બગીનો ક્રેઝ, જાણો કેટલા રૂપિયા સુધીનું ચૂકવાય છે ભાડુ

• લગ્નમાં વધી રહ્યો છે બગીનો ક્રેઝ
• દેશી અને વિદેશી ફૂલોની સજાવટની બગીઓ લગ્નને બનાવશે ખાસ
• 10 હજારથી શરૂ કરીને 70 હજાર રૂપિયા સુધીમાં મળે છે આ બગીઓ

આવો છે ટ્રેન્ડ

વિક્ટોરિયા બગી

આ પ્રકારની બગીની માંગ સૌથી વધારે છે. દેશી અને વિદેશી ફૂલોથી સજાવેલી વિક્ટોરિયા બગીમાં સવાર વર સ્ટેટસ સિમ્બોલ પણ માને છે. 4 ઘોડાવાળી બગી વધારે પસંદ કરવામાં આવે છે.જો તે ન મળે તો 2 ઘોડાવાળી બગી લેવામાં આવે છે. આ બગીનું ભાડુ સામાન્ય રીતે 11 હજારથી શરૂ થઈને 70 હજાર સુધીનું હોય છે. 

જલપરી બગી

આ બગી લગ્નમાં બીજા નંબરે ટ્રેન્ડમાં છે. આ વર્ષે તેના બુકિંગમાં 20 ટકાનો વધારો થયો છે. તેની ખાસ વાત તેની રંગ બેરંગી રોશની છે. વર જે જગ્યાએ બેસે છે તે જગ્યાને ચારે તરફ સતરંગી રોશનીથી સજાવવામાં આવે છે. તેનો લૂક અલગ જ હોય છે. આ બગીનું ભાડુ 10 હજારથી 30 હજાર સુધીનું હોય છે.

નાની વિક્ટોરિયા બગી

નાની વિક્ટોરિયા બગી પણ ચલણમાં છે. 2 ઘોડાની આ બગી પણ વર-વધૂને દરવાજાથી સ્ટેજ સુધી લઈ જવા માટે હોય છે. તેને ઘોડા સિવાય માણસો દ્વારા ચલાવીને પણ લઈ જવાય છે. ફૂલોની માળાઓ અને સફેદ લાઈટની સાથે તે સુંદર લૂક આપે છે. જો તમે સજાવટને બદલાવવા ઈચ્છો છો તો તેના માટે તમારે 10થી 15 હજાર રૂપિયા સુધીની રકમ ચૂકવવી પડે છે. 

પાલખીમાં સવાર થઈને જવાની વધૂની ઈચ્છાને રાજસ્થાની પાલખીઓ પૂરી કરી રહી છે. તમે તમારી જરૂરિયાતના આધારે તેને ખરીદી શકો છો. તેનું ભાડું 10થી 30 હજાર રૂપિયા સુધીનું હોય છે.