શેર માર્કેટ / નવા વર્ષના બીજા દિવસે શેરબજાર અપ, સેન્સેક્સ અને નિફ્ટી ગ્રીન ઝોનમાં ખૂલ્યાં

• 2020ના બીજા દિવસે શેરબજાર વધારા સાથે ખૂલ્યું
• સેન્સેક્સ 77.61 પોઇન્ટ વધીને 41,383.63 સ્તર પર ખૂલ્યો
• ડોલરની સરખામણીએ આજે રૂપિયો 71.25 સ્તર પર ખૂલ્યો

કેવા રહ્યાં દિગ્ગજ શેરની હાલત

દિગ્ગજ શેરની વાત કરીએ તો જેએસડબ્લ્યુ સ્ટીલ, ટાટા સ્ટીલ, ફ્રન્ફ્રાટેલ , ભારતી એરટેલ, વેદાંતા લિમિટેડ, ઇન્ડસન્ડ બેંક, યસ બેંક, હીરો મોટોકોર્પ અને બ્રિટાનિયાના શેર ગ્રીન ઝોનમાં ખુલેલા જોવા મળ્યાં. જ્યારે એમ એન્ડ એમ, ઝી લિમિટેડ, ટાઇટન, કોલ ઇન્ડિયા, એનટીપીસી, યૂપીએલ, એશિયન પેઇન્ટસ, વિપ્રો, બીપીએસએલ અને પાવર ગ્રિડ રેડ ઝોનમાં જોવા મળ્યાં. 

સેકટોરિયલ ઇન્ડેક્સ પર નજર

સેક્ટોરિયલ ઇન્ડેક્સ પર નજર નાંખીએ તો આજે મીડિયા સિવાય બધા સેકટર લાલ નિશાન પર ખુલ્યાં હતા. જેમાં એફએમસીજી, ફાર્મા, પીએસયુ બેંક, ઓટો, રિયલ્ટી, મેટલ, આઇટી અને પ્રાઇવેટ બેંક સામેલ છે.

પ્રી ઓપન દરમિયાન આવી હતી શેરમાર્કેટની સ્થિતિ

પ્રી ઓપન દરમિયાન સવારે 9-10 વાગે શેર માર્કેટ ગ્રીન ઝોન પર હતું. સેન્સેક્સ 34.25 પોઇન્ટ એટલે કે 0.08 ટકાના વધારા સાથે 41,340.27 સ્તર પર હતો. જ્યારે નિફટી 16.05 પોઇન્ટ એટલે કે 0.13 ટકા વધારા સાથે 12,198.55 સ્તર પર હતો.

71.25 ના સ્તર પર ખૂલ્યો રૂપિયો

ડોલરની સરખામણીએ આજે રૂપિયો 71.25 પર ખુલ્યો. જ્યારે ગત કારોબારના દિવસે ડોલરની સરખામણીએ રૂપિયો 71.22 સ્તર પર બંધ થયો હતો. 

વર્ષના પહેલા દિવસે શેર બજાર વધારા સાથે થયું હતું બંધ

2020 વર્ષના પહેલા દિવસે બુધવારે બીએસઇ બેચમાર્ક સેન્સેક્સ 52.28 પોઇન્ટ સાથે મજબૂત થઇને 41,306.02 સ્તર પર બંધ જોવા મળ્યો હતો. જ્યારે એનએસઇ નિફ્ટી 14.05 પોઇન્ટના વધારા સાથે 12,182.50 પોઇન્ટ પર બંધ થયો હતો.