કેન્દ્રીય વિજ્ઞાન અને ટેકનોલોજી મંત્રી જિતેન્દ્ર સિંહે જમ્મુમાં એક કાર્યક્રમમાં કહ્યું કે, સ્વરોજગાર આપનારા ઘણાં સ્ટાર્ટઅપ ક્ષેત્ર સરકારી નોકરીથી પણ વધારે ફાયદાકારક અને આકર્ષક છે. ફક્ત પોતાની વિચારધારા બદલવાની જરૂર છે.
કેન્દ્રીય વિજ્ઞાન અને ટેકનોલોજી મંત્રી જિતેન્દ્ર સિંહનું નિવેદન
સ્વરોજગાર આપનારા ઘણાં સ્ટાર્ટઅપ સરકારી નોકરીથી પણ વધુ ફાયદાકારક
સ્ટાર્ટઅપથી થોડા સમયગાળામાં યુવાનોની આવક થઈ ડબલ
યુવાનો માટે સ્ટાર્ટઅપ વધારે ફાયદાકારક
એક ભાષણમાં તેમણે આ માહિતી આપી છે. તેમણે કહ્યું કે, ઘણાં યુવાનો સામાન્ય પગાર પર નાની-મોટી સરકારી નોકરીને પ્રાથમિકતા આપે છે, જ્યારે સ્વરોજગારની સાથે સ્ટાર્ટઅપની પહેલ કરવાની શરૂઆતથી જ તેની તુલનામાં ઘણી પ્રાપ્તિ થઈ શકે છે. સિંહે વૈજ્ઞાનિક અને ઔદ્યોગિક અનુસંધાન પરિષદ હેઠળ ઈન્ડિયન ઈન્સ્ટીટ્યુટ ઓફ ઈન્ટીગ્રેટીવ મેડિસિનમાં એક દિવસના જાગૃતિ અને પ્રશિક્ષણ કાર્યક્રમનું ઉદ્ઘાટન કર્યા બાદ કૃષિ સ્ટાર્ટ અપ, યુવાન સાહસિકો અને ખેડૂતોને સંબોધન કર્યુ હતું. કાર્યક્રમનું આયોજન અરોમા મિશન ફેજ-બે હેઠળ કરવામાં આવ્યું. એક નિવેદન મુજબ, સિંહને એક યુવાન ઉદ્યોગ સાહસિકે જણાવ્યું કે ખેતીમાં આધુનિક ટેકનિકનો ઉપયોગ કરીને પ્રારંભમાં જ તે વાર્ષિક ત્રણ લાખ રૂપિયા કમાવવા લાગ્યા છે.
સ્ટાર્ટઅપથી થોડા સમયગાળામાં આવક ડબલ થઈ
આ કમાણી તેઓ ફક્ત એક હેક્ટરની જમીનથી કરી રહ્યાં છે. જ્યારે બે બી.ટેક એન્જિનિયરોએ કહ્યું કે આ જ રીતે એક સ્ટાર્ટ અપની પહેલથી તેના પાંચ મહિનાના થોડા સમયગાળામાં જ તેમની કમાણી ડબલ થઈ ગઈ. જેના પર મંત્રીએ કહ્યું કે, આ એક એવા નિરાશ યુવાનો માટે સંદેશ છે કે જેઓ દૈનિક નોકરી માટે મહેનત કરી રહ્યાં છે, જેનાથી તેઓને માસિક 6000 રૂપિયાથી વધુ પગાર મળતો નથી. જ્યારે સ્ટાર્ટ અપ શરૂ કરનારો યુવાન ફક્ત પોતાના માટે નહીં પરંતુ બીજા માટે પણ સારી આવક ઉપાર્જિત કરી શકે છે.