ગુજરાતમાં ચૂંટણી નજીક આવતા રાજનીતિમાં ગરમાવો વધી રહ્યો છે સાથો સાથ રાજકીય નેતાઓની સભાઓનો ધમધમાટ પણ વધી રહી છે તેમજ રાજકીય પક્ષોના આગેવાનોના પણ ગુજરાતના દોર પણ શરૂ થઈ ગયા છે. જે બાબતે રાજકારણમાં ગરમાવો જોવા મળી રહ્યો છે. ચૂંટણીનો કાઉન્ટ ડાઉન શરૂ થયો છે ગમે ત્યારે ગુજરાત વિધાનસભાની તારીખ પણ જાહેર થઈ શકે છે જેને લઈ રાજકીય પક્ષો કમર કસી રહ્યા છે. ગુજરાત કોંગ્રેસની રાજનીતિને લઈ મોટા સમાચાર છે. કોળી સમાજના અગ્રણી મનુ ચાવડા કોંગ્રેસમાં જોડાયા છે.
મનુ ચાવડા કોંગ્રેસમાં જોડાયા
કોળી સમાજના અગ્રણી મનુ ચાવડા આજે કોંગ્રસમાં જોડાયા છે. રાજસ્થાનના મુખ્યમંત્રી અને કોંગ્રેસના અગ્રણીનેતા અશોક ગહેલોતની હાજરીમાં મનુ ચાવડાએ કોગ્રેસનો ખેસ ધારણ કરી પ્રવેશ મેળવ્યો છે. કોળી સમાજ પર પ્રભૂત્વ ધરાવતા અને ભાજપના પૂર્વ નેતા મનુ ચાવડા કોંગ્રેસમાં જોડાયા છે. ઉલ્લેખનીય છે કે, ચૂંટણી પહેલા મનુ ચાવડા કોંગ્રેસમાં જોડાતા કોંગ્રેસને કેટલો લાભ થાય છે કે કેમ તે આવનારો સમય જ બતાવશે અત્યારે કોંગ્રેસે રાજકીય સમીકરણોના ચોગઠા બેસાડવા મનુ ચાવડાનો હાથ પકડ્યો છે. મનુ ચાવડા સહિતના અન્યા આગેવાનો પણ કોંગ્રેસમાં જોડાયા છે
મનુ ચાવડા કોણ છે?
મનુ ચાવડા કોળી સમાજના અગ્રણી છે અને તેમજ ભાજપના પૂર્વ પ્રદેશ મંત્રી રહી ચૂકયા છે. મનુ ચાવડા ઠાકોર કોળી વિકાસ નિગમના ઉપાધ્યક્ષ રહી ચૂક્યા છે. વર્તમાનમાં મનુ ચાવડા SC,ST અને OBCના મહાસંઘના પ્રદેશ પ્રમુખ છે તેમજ અખિલ ભારતીય કોળી સમાજના રાષ્ટ્રીય મહામંત્રી છે.