- મનોહર લાલ ખટ્ટર સરકાર લાવી નવી લિકર પોલિસી
- હરિયાણામાં કોર્પોરેટ્સમાં કર્મચારીઓ ઓફિસમાં આલ્કોહોલનું સેવન કરી શકશે
- ઓછી માત્રામાં આલ્કોહોલ હોય તેવા પીણાનું સેવન કરવાની મળી પરવાનગી
Haryana Liquor Policy: હરિયાણાની મનોહરલાલ ખટ્ટર સરકાર હવે પ્રદેશમાં નવી લિકર પોલીસી લઈને આવી રહી છે જે અંતર્ગત હવે ઓફિસમાં જ કર્મચારીઓ મદીરાપાન કરી શકશે. ઓફિસની અંદર જ બાર બનાવવામાં આવશે. 12 જૂનથી રાજ્યભરમાં સ્થિત મોટાં કોર્પોરેટ કાર્યાલયમાં ઓછી માત્રાવાળા આલ્કોહોલ પીણાં જેવા કે બીયર, વાઈન વગેરે પીવું શક્ય બનશે.
9 મેનાં હરિયાણા મંત્રીપરિષદે 2023-24 આબકારી નીતિ (લિકર પોલિસી) લાગૂ કરી છે. તેમાં ઓછામાં ઓછાં 5000 કર્મચારીઓવાળા એક કોર્પોરેટ કાર્યાલયમાં બીયર, દારુ વગેરે પીવા માટે તૈયાર પેય પદાર્થોની પરવાનગી મળશે. હરિયાણા સરકારની લિકર પોલિસી અનુસાર એક કોર્પોરેટ કાર્યાલયનાં પરિસરમાં ઓછી માત્રાવાળા આલ્કોહોલ પેય પદાર્થોનાં વપરાશ માટે એક લાયસેંસ L-10F આપવામાં આવશે.
શું છે નવો નિયમ?
L-10F લાયસેંસ કોર્પોરેટ કાર્યાલયને ત્યારે જ આપવામાં આવશે જ્યારે કેંટિન કે ભોજનાલયનું ન્યૂનતમ ક્ષેત્રફળ 2000 વર્ગફુટ કે તેથી વધારે છે. નીતિ અનુસાર,' લાયસેંસ આપવાની પ્રક્રિયા bar લાયસેંસની પદ્ધતિથી લાગૂ પડશે. L 10F લાયસેંસ એક્સાઈઝ એન્ડ ટેક્સેશન કિમશ્નર દ્વારા નિશ્ચિત નિયમો અને શરતો પર 10 લાખ રૂપિયાનાં વાર્ષિક ચૂકવણી પર આપવામાં આવશે. આ લાયસેંસ ફી સિવાય 3 લાખ રૂપિયાની સિક્યોરિટી પણ આપવી પડશે. લાયસેંસ ધારક પાસે નીતિનાં ખંડ 9.8.9 અનુસાર આલ્કોહોલનો સ્ટોક ખરીદવો પડશે. આ લાયસેંસ ક્લેક્ટર દ્વારા આબકારી અને ટેક્સ કમિશ્નર દ્વારા ફાળવવામાં આવશે.
ઇવેન્ટ્સ અને શો માટે એપ્લિકેશન ફીમાં વધારો થયો
રાજ્ય સરકારે મનોરંજન શો, પ્રદર્શનો, કોમેડી શો, મેજિક શો, મેગા શો, સેલિબ્રિટી ઈવેંટ અને આ પ્રકારનાં અન્ય કાર્યક્રમો દરમિયાન આયોજકોને આલ્કોહોલ રાખવા માટે અસ્થાઈ લાયસેંસ L 12AC માટે એપ્લિકેશન ફી આપવી પડે છે જે વધારવામાં આવી છે. 5 હજાર વ્યક્તિઓવાળા પ્રોગ્રામ માટે ફી 10000 રૂપિયાથી વધારીને 50000 રૂપિયા પ્રતિ કાર્યક્રમ કરવામાં આવ્યું છે. 5 હજારથી 25000 લોકો માટેનાં એક ઈવેંટની ફી 1 લાખથી વધારીને 2.50 લાખ રૂપિયા કરવામાં આવ્યું છે. 25 હજારથી વધારેની જનતા માટે ફી 5 લાખ પ્રતિ ઈવેંટથી વધારીને 10 લાખ પ્રતિ દિવસ પ્રતિ ઈવેંટ કરવામાં આવ્યું છે.
